Nadia Erostarbe surflariak Hegoafrikako Ballito Pro txapelketa irabazi du
Nadia Erostarbek irabazi du KwaZulu-Natalen (Hegoafrika) jokatu den Ballito Pro txapelketa, asko borrokatutako finalerdian Sally Fitzgibbons beteranoa eta finalean Yolanda Hopkins portugaldarra kanporatuta.
Orain arte, Nadiak hirugarren postuak lortuta zituen Challenger Serieetako zirkuituan, surfaren gorengo mailaren atarian, hiru aldiz, eta gaur estreinakoz lortu du garaipena maila horretako lehiaketa batean.
Gaur goizean, lehiaketa oso goiz hasi da. Zarauztarrak finalerdietako lehen txanda jokatu du, Sally Fitzgibbons australiarraren aurka. Surflari beteranoa faboritoetako bat zen txapelketa irabazteko, baina Nadiak egoera kontrolatzen eta final handirako txartela ziurtatzen jakin du.
Zarauztarrak 8,17ko olatuarekin eman du lehen kolpea, eta 7,17koarekin ondoren. Aussieak 6,67ko beste batekin eta 6,77ko batekin erantzun badu ere, ez da nahikoa izan Nadiaren progresioa eteteko.
Finalean Yolanda Hopkins portugaldarra zegoen zain, bere finalerdian Talia Swindal estatubatuarra kanporatu eta gero. Nadiak azken txandan surfeatu dituen bost olatuekin nahikoa izan du, oso ondo hasi baita, 6,50eko batekin.
Hopkinsek puntu gutxiago jaso ditu, 7,67ko olatua iritsi arte, baina Erostarbek 6,30ekoa lortu du bosgarren olatuan. Nadiak 12,80 puntu pilatu ditu eta Hopkinsek 10,84.
Zure interesekoa izan daiteke
Oier Ibarretxe boxeolariak, Parisen olinpikoa bera, Bilbon eginen du debuta profesional mailan
Oier Ibarretxek, 2024ko Parisko Jokoetan olinpikoa eta amateur mailan sei aldiz Espainako txapelduna bera, hurrengo martxoaren 14an eginen du debuta profesional mailan, Bilboko Casilla pabilioian, Bassam Laaoula alacantarraren aurka (1-0-1).
Oier Ibarretxe boxeolariak debut profesionala egingo du martxoaren 14an
Basque Teameko Oier Ibarretxe boxeolariak debuta egingo du profesional gisa, datorren martxoaren 14an, Casilla pabiloian. Hori dela eta, Galdakaoko kirolariak prentsaurrekoa egin du San Mamesen, xehetasunak emateko. Jon Fernandez izango da kartelburua, Somay Bilalen aurkako borrokan. Horiez gain, Jokin Garcia eta Gianluca Ceglia ere Bilbon izango dira; Ibarretxek, berriz, Bassam Laaoula izango du aurkari debutean.
MotoGPk lehen hiri-lasterketa egingo du 2027an, Adelaiden
Datorren urtetik aurrera, Australiako Sari Nagusia Adelaiden egingo da, ez Phillip Islanden. Lasterketa horrela egiteko akordioa gutxienez 2032ra arte egonen da indarrean.
Arrieta Rodriguez donostiarra 33. sailkatu da bere debut olinpikoan
Gipuzkoarrak 01:46.83ko marka egin du, bi jaitsierak pilatuta, Mikaela Shiffrin txapeldun olinpikoa (01:39.10) 00:07.73ra duela. Camille Rast suitzarrak (01:40.60) eta Anna Swenn Larsson suediarrak (01:40.81) osatu dute podiuma.
Kataluniako zirkuituak 2032raino luzatu du kontratua, eta bi urterik behin lasterketak hartuko ditu
1 Formulak 2026, 2028, 2030 eta 2032 urteetarako dauzka lasterketak aurreikusita Bartzelonan, Spa-Francorchamps zirkuituarekin aldizkatuko duen egutegian.
Klaebok historia egin du Neguko Jokoetan, bederatzigarren urre olinpikoa eskuratuta
29 urteko norvegiarra orain arte urrezko domina gehien lortu dituen kirolaria da, Bjorn Daehlieri, Marit Bjorgeni eta Ole Einar Bjornersi aurrea hartu baitie.
Anthony Kimek irabazi du Adelaideko LIV Golf txapelketa, ezustean, eta Jon Rahm bigarren sailkatu da
Golf jokalari estatubatuarra hamabi urtez izan zen goreneko mailatik kanpo. Adelaiden, txapelketako azken jardunaldian, Rahm eta Bryson DeChambeau menderatu ditu, hirugarren egunaren amaieran bi horiek lehen postuan izan arren, Kim atzetik segika 5 kolpera zutela.
Carlota Ciganda laugarren izan da Riaden, denboraldiko lehen txapelketan
7. zuloko bogey bikoitzak nafarrak garaipena lortzeko aukerak zapuztu ditu, eta sei birdie pilatu ditu 3, 6, 9, 15, 16 eta 17. zuloetan.
Salsamendik agur esan die Olinpiar Jokoei Klaebok urrea irabazi duen proban
Brasilekin lehiatu duen eskiatzaile nafarrak 97. postuan bukatu du estilo libreko iraupen-eskiko proba, hamar kilometroko distantzian.
Eguibarrek eta Romerok ez dute final-laurdenetako eta final-zortzirenetako langa gainditu, hurrenez hurren
Romerok azpimarratu du "pozik" dagoela egindako jaitsierarekin, baina "ez emaitzarekin". Bere aldetik, Eguibarrek erorikoa izan du, aurkarietako batek bidea itxi ondoren. "Badakit horrelakoak gerta daitezkeela, baina berak jakin behar du hori ezin dela egin", esan du donostiarrak haserre.