Realak balio handiko puntua lortu du, irmo aritu den Atletico taldearen aurka (1-1)
Euskal taldeak kontrako golari aurre egin eta markagailua berdindu du Guedesen jokaldiari esker, EA Sports Ligako 18. jardunaldian.
Atletico Madril hartu du igande honetan Realak bere etxean, Anoetan, berdinketarekin (1-1) amaitu den partida zirraragarri eta bizi batean. Euskal taldeak kontrako golari aurre egin eta markagailua berdindu du Guedesen jokaldiari esker, EA Sports Ligako 18. jardunaldian.
Txuri-urdinen lehen aukera argia 15 minutura iritsi da, Brais Mendezen eskutik, Mikel Oyarzabalen asistentzia bikainaren ostean. Bi jokalariek zaleen txalo zaparrada jaso dute.
Pellegrino Matarazzo Realeko entrenatzaile berriaren lehen partidan, etxekoek asmo argiak erakutsi dituzte berdinketa hautsi eta lehen gola sartzeko, arriskua sortuz eta Atleticoren defentsari presioa sartuz.
Dena dela, lehen zatiko azken minutuetan Carlos Solerrek falta bat atera du eta Alexander Sørloth jokalari txuri-urdin ohiak bere atean sartu du gola, buruz. Hala ere, epaileak baliorik gabe utzi du, Brais Mendez jokoz kanpo zegoelako.
Bigarren zatiaren hasieran, Sørlothek ez du aukera galdu, eta Atleticok aurrea hartu du markagailuan, jokaldi borobila buruz amaituta.
Realak, ordea, ez du amore eman, eta handik gutxira Gonçalo Guedesek berdindu du markagailua, Take Kuboren asistentzia bikainari esker.
Euskal taldeak intentsitate berarekin eraso egiten jarraitu du ondorengo minutuetan, partidaren amaierara arte, bi taldeen arteko tentsio une jakin batzuekin norgehiagokan.
Bietako inork ez zuen topaketa berdinketarekin amaitu nahi, baina, azkenean, ezin izan da inor gailendu Anoetan.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.