Sanse garaipenarekin estreinatu da Bigarren Mailan
Sansek hasiera ezin hobea izan du Bigarren Mailan. 1-0 irabazi dio Zaragozari Hypermotion Ligako lehen jardunaldian, Anoetan, Job Ochiengek lehen zatian sartutako gol ikusgarri bati esker.
Zaragozarena izan da ekimena, baina talde txuri-urdinak ere neurketa oso ona jokatu du, batez ere defentsa lanetan, eta bigarren zatian ondo kudeatu du markagailuko abantaila.
Berdinketa 34. minutuan hautsi da. Realak kontraeraso bikaina egin du, hiru paserekin. Ochiengek baloia zelai erdian jaso du, eta zuzenean joan da Adrian Rodriguezen atearen bila. Patxadaz eta maila handia erakutsita, baloia loratuta bidali du sarera. Gol ederra izan da 1-0ekoa.
Zaragoza ez da kikildu, eta talde txuri-urdina estu hartu du hurrengo minutuetan, 1-1ekoa lortu nahian. Edonola ere, ez da beste golik izan lehen zatian.
Bigarrenean, Aitor Fraga erabakigarria izan da Zaragozako jokalariek area barrutik egindako bi errematetan geldiketa bikoitza eginda.
Gabik zuzendutako taldea behin eta berriro saiatu da markagailua parekatzen, baina azken metroetan ez dute asmatu. Gainera, Sanse sendo egon da atzealdean, eta Fraga ere bikain aritu da.
Luzapeneko azken segundoan ere gola egiteko aukera izan du Zaragozak, baina ez du asmatu, eta hiru puntuak etxean geratu dira, jokalari eta zale txuri-urdinen gozamenerako.
Sansek gaurkoan erakutsitakoaren arabera, badaki sufritzen eta talde lehiakorra izango da denboraldi honetan.
FITXA TEKNIKOA
1 - Sanse: Fraga; Dadie, Luken Beitia, Peru Rodríguez (Kazunari Kita, 69. min), Agote; Gorka Gorosabel, Tomas Carbonell, Mikel Rodriguez (Lebarbier, 62. min); Mariezkurrena (Carrera, 62. min), Orobengoa eta Ochieng (Astiazaran, 83. min).
0 - Zaragoza: Adrian Rodriguez; Tasende, Radovanovic (Calero, 56. min), Pomares, Serrano; Raul Guti, Francho; Paulino (Bazdar, 87. min), Sebas Moyano, Aketxe (Pau Sansa, 70. min) eta Dani Gomez (Soberon, 56. min).
Epailea: Miguel Gonzalez. Txartel horia atera die Mikel Rodriguezi, Gorosabeli, Mariezkurrenari, Sebas Moyanori, Radovanovici eta Tomas Carbonelli.
Gola: 1-0, 34. min: Ochieng.
Zure interesekoa izan daiteke
Jon Ansotegi: "Lehen helburua biharko partida irabaztea da"
Jon Ansotegi gogotsu agertu da Realeko lehen taldeko entrenatzaile gisa duen erronkarekin. Lehen erronka bihar, asteartez, Eldenseren kontrako Errege Kopako partida irabaztea dela esan du.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Realak Sergio Francisco kargutik kendu du, eta, behin-behinean, Ansotegik ordezkatuko du
Irungo entrenatzailearen agindupean, Realak 4 garaipen, 4 berdinketa eta 8 porrot izan ditu, eta sailkapeneko 15. postuan dago, 16 punturekin, jaitsieratik puntu batera.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.
Igor Zubeldia: "Taldea lotsagarri egon da"
Realak 1-2 galdu du Gironaren aurka ostiral honetan Anoetan jokatu den EA Sports Ligako 16. jardunaldiko partidan. Partidaren amaieran, Igor Zubeldia kritiko azaldu da, gogoeta egitea, erantzukizuna hartzea eta aurrera egitea tokatzen dela esan du.
Tsygankovek Realaren lehen zati ona baliogabetu du (1-2)
Ukrainako futbolariaren bi golek Guedesen gola eta txuri-urdinen lehen zati ona zapuztu dituzte.
Sergio Francisco: "Beharra sentitzen dut taldea lehen minututik joateko partidaren bila"
Realak Girona hartuko du, Anoetan, ostiralean, 21:00etan, EA Sports Ligako hamaseigarren jardunaldian. Aurreko egunean, Sergio Francisco talde txuri-urdineko entrenatzaileak neurketaren gainean zer espero duen izan du hizpide.
Andreia Jacintok onartu du taldeak "triste" bukatu zuela Real Madrilen aurkako partida, punturik lortu ez zuelako
Erdilari portugaldarrak Real Madrilen aurkako porrota; Bartzelonaren kontrako garaipena; donostiarrek Ligan eta Kopan izango duten hurrengo aurkaria, Deportivo; taldearen dinamika; entrenatzaile txuri-urdinaren ezaugarriak; aurreko denboraldia eta Donostiako egonaldia aztertu ditu.
Jokin Aperribay: "Bilakaera, exijentzia eta konfiantza; horiek dira hitz gakoak, emaitza onak lortzeko"
Realeko Akziodunen Batzar Nagusia amaituta, Realeko presidenteak EITBrekin hitz egin du. Aperribayk nabarmendu du nola, “kudeaketa erraza ez bada ere”, Gipuzkoako kluba, “azken urteotan, emaitza ekonomiko onak lortzen ari den”.
Realak 160 milioi euroko aurrekontua onartu du 2025-2026 denboraldirako
Zenbateko errekorra da hori. Realak, 2024-2025eko ekitaldian, 16,9 milioiko superabita izan zuen, eta aurreikuspena da 2025-2026koan beste 17,8 milioi irabaztea.