Reala nagusitasunez gailendu zaio Leganesi (3-0)
Realak 3-0 irabazi dio Leganesi igande honetan Reale Arenan jokatu den EA Sports Ligako 25. jardunaldiko partidan. Zakharyan, Take eta Olasagasti izan dira golegileak, eta txuri-urdinek argi eta garbi erakutsi dute euren nagusitasuna.
Donostiako taldea erasora abiatu da lehen minututik, jokoan nagusitasun argia erakutsiz. Bitartean, bisitariek nahiago izan dute beren zelaian defendatu eta kontraerasoan ateratzeko aukeraren baten zain egon.
Laster ireki du markagailua Realak, 12. minutuan, orduantxe Marinek Zakharyan areatik kanpo ikusi du, bakar-bakarrik. Errusiarrak eskuinkada bikain bat jaurti du eta gola sartu (1-0). Gutxira, urrutitik egindako beste jaurtiketa bat egiten ausartu da, baina Dmitrovicek geldiketa ikusgarria egin du baloia desbideratzeko.
Partida hasi eta ordu erdira, Aguerdek zelaia utzi behar izan du eskuineko izterrean mina zuelako. Jon Martinek ordezkatu du.
Oskarssonen presioa funtsezkoa izan da Dmitrovic urduriarazteko: baloia elkarren segidako bi jokalditan banatu du, eta eskandinaviarra baloia lapurtzeko zorian egon da. Horrez gain, Take izan da jokalari nabarmenena lehen zatian.
Bigarren zatia hasi eta berehala, Takek banakako jokaldi bikaina burutu du hegaletik, bi defentsari ihes eginez euskal taldearen bigarren gola sartzeko, bigarren zutoinera egindako jaurtiketa on batekin (2-0).
Leganesek Rabaren jaurtiketa gurutzatuarekin bukatu den jokaldi bikain batekin erantzun du, baina Remiro adi egon da eta geldiketa aparta egin du.
Txuri-urdinek nagusi izaten jarraitu dute eta Olasagastik hirugarren gola sartu du. Korner baten aldaratzea jaso eta baloia sarera bidali du boleaz (3-0).
Fitxa teknikoa:
3 - Reala: Remiro; Aramburu, Aritz (Beitia, 83. min), Aguerd (Jon Martin, 32. min), Javi Lopez; Zubimendi, Marin, Zakharyan (Olasagasti, 46. min); Kubo (Barrenetxea, 66. min), Oskarsson (Oyarzabal, 66. min) eta Sergio Gomez.
0 - Leganes: Dmitrovic; Rosier, Sergio Gonzalez, Nastasic, Altimira (Javi Hernandez, 74. min); Tapia, Cisse (Roberto Lopez, 73. min), Neyou; Dani Raba (Duk, 86. min), Diego Garcia (De la Fuente, 53. min) eta Juan Cruz (Oscar Rodriguez, 53. min).
Golak: 1-0, 12. min: Zakharyan; 2-0, 48. min: Kubo; 3-0, 80. min: Olasagasti.
Epailea: Francisco Jose Hernandez Maeso. Txartel horia atera die Aguerd, Kubo, Olasagasti, Rosier, Tapia eta Oscar Rodriguez jokalariei.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.