Reala, Kopako finalera
Realak 2023-24 denboraldiko Erregina Kopako finalerako sailkatzea lortu du, asteazkenean, Kopako egungo txapelduna den Atletico Madril kanporatuta. Talde txuri-urdinak Atletico Madril menderatu du, Reale Arenan, finalerdietako itzuliko partidan, 2-1, eta bikain lortu du bere historiako Erregina Kopako bigarren finalerako sailkatzea. Sanni Franssik, 18. minutuan, eta Synne Jensenek, 60.ean, sartu dituzte Realaren bi golak, eta Sheila Guijarrok, 62.ean, 2-1ekoa jarri du.
Lehen zatian bizi-bizi jokatu dute bi taldeek, erasoaren bila une oro. Lehia horretan, Reala irten da garaile, 18. minutuan izandako jokaldiari esker: Amaiur Sarriegik, ezkerretan, pase sakon ona jaso, penalti puntura erdiratu du, eta Jensen oso gutxigatik ez da iritsi; Sanni Franssik, baina, bigarren zutoinean, baloia hartu du eta Lola Gallardoren aterantz joan da, Madrilgo taldeko bi atzelari atzean utzi ditu, eta bikain sartu du 1-0ekoa. Anoetak eztanda egin du, aurrelari finlandiarraren golarekin.
Atsedenaldira arte, Reala eta Atletico Madril parean ibili dira. 27. minutuan, Nerea Eizagirrek, korner batean, gertu izan du gol olinpikoa; Ajibadek, Atletico Madrilen aldetik, 35. minutuan, banakoa egitetik hurbil-hurbil izan da, baina ez da heldu errematera, ate aurrean bakarka zegoela.
Atsedenaldiaren ostean, Amaiurrek, 60. minutuan, ezin hobeto eman dio sakonean Synne Jenseni, eta norvegiarrak, oso sendo eta indartsu lasterketan, 2-0ekoa sartu du. Realak finalerako txartel erdia, baina, ia jarraian, erasoko jokaldi azkar batean, Sheila Guijarrok 2-1ekoa egin du. Kanporaketak, beste behin, emozio ikaragarria zuen.
Neurketa amaitzeko gelditzen zen ordu erdian, Atletico Madrilek ahalegin handia egin du bigarren gola sartu eta finalerdia luzapenera eramateko, baina Reala oso sendo aritu da atzealdean, eta, hori gutxi balitz bezala, Jensenen bidez, Gipuzkoako taldeak eskura izan du 3-1ekoa; aurrelariak, 94. minutuan, langara jaurti du.
Partida amaierarekin batera, festa benetan handia izan da Reale Arenan, Realaren balentria ospatzeko. Natalia Arroyoren taldea, hala, finalean da aurkariaren zain; Bartzelona edo Athletic izango da finalean izango den beste taldea, maiatzaren 18an, oraindik zehaztu gabe dagoen zelai batean.
Fitxa teknikoa
2 - Reala: Lete; Emma, Vanegas, Tejada, Bernabé; Aparicio, Andreia, Nerea (Lorena, 83. min); Franssi (Mirari, 90+1. min), Jensen eta Amaiur (Cecilia, 72. min).
1 - Atletico Madril: Gallardo; Shei, Cinta (Benini, 67. min), Menayo, Moraza (Moral, 79. min); Boe Risa (Vitoria, 46. min), Gaby, Santos; Ajibade (Navarro, 58. min), Sheila eta Ludmila (Cardona, 79. min).
Golak: 1-0, 19. min: Franssi; 2-0, 60. min: Jensen; 2-1, 62. min: Guijarro.
Epailea: Marta Huerta de Aza (Gaztela eta Leongo Batzordea). Realeko Aparicio eta Atletico Madrileko Boe Risa zigortu ditu, txartel horia ateraz.
Gertakizunak: Erregina Kopako finalerdietako itzuliko partida, Reale Arenan. 15.265 zale izan dira bertan.
Zure interesekoa izan daiteke
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.