Realak Cadizen aurkako berdinketa batekin itxi du urtea (0-0)
Realak hutsean berdindu du Cadizen aurka ostegun honetan EA Sports Ligako 18. jardunaldian. Bi taldeek partida bizia jokatu dute, eta markagailuan aurrea hartzeko aukerak izan dituzte, baina baloiak ez du sarera sartu nahi izan.
Etxekoek beste martxa batekin hasi dute partida, eta Reala estu hartu dute hasieratik. Hala ere, ondo babestu dira txuri-urdinak, eta ateak ez du arrisku handirik sufritu.
Izan ere, lehen sustoa Zubeldiak buruz oker aldenduta hartu dute, bere atean amaitzetik gertu izan baita, baina Remirok ezerezean utzi du arriskua. Atezainak berriz jardun behar izan du Ramosen aurkako buruz burukoan atea hutsean mantentzeko.
Cadiz baloiaren jabe izaten hasi da, eta Reala ondo defendatu da, baina erasoan ez du Cadizko harresia gainditzeko modurik aurkitu.
Txuri-urdinak beste bizitasun batekin zelairatu dira atsedenaldiaren ostean, eta abagune bikoitza izan dute laster. Sadiqek izan du lehen aukera (jaurtiketa gurutzatuegi atera zaio) eta Zubimendik izan du bigarrena (hiru zutoinen artean jaurti du, baina Cadizeko defentsa adi egon da baloia urruntzeko).
Zubimendi protagonista izan da berriro hurrengo jokaldian, boleaz errematatuta, baina horren jaurtiketak langarekin egin du topo.
Neurketako azken uneak oso biziak izan dira, eta markagailuan aurrea hartzeko aukerak izan dituzte biek ala biek, baina baloiak ez du sarera sartu nahi izan, eta Realak berdinketa mingots batekin esan dio agur urteari.
Fitxa teknikoa:
0 - Cadiz: Gil; Carcelen, Fali (Javi Hernandez, 92. min), Chust, Pires; Álex Fernández (Kouame, 63. min), Alcaraz, Alejo (Ocampo, 76. min), Navarro (Sobrino, 63. min), Maxi Gómez (Guardiola, 63. min) eta Ramos.
0 - Reala: Remiro; Odriozola (Traore, 46. min) (Elustondo, 68. min) (Aihen, 80. min), Zubeldia, Le Normand, Tierney; Zubimendi, Merino (Turrientes, 68. min), Brais Mendez, Kubo; Oyarzabal eta Sadiq (Fernandez, 68. min).
Epailea: Iglesias Villanueva. Txartel horia atera die Alejo, Fali, Alcaraz eta Remiro jokalariei.
Zure interesekoa izan daiteke
Puntu banaketa Anoetan jokatutako derbi eroan (3-3)
Alavesek berdinketa agonikoa lortu du Realaren aurka (3-3), 97. minutuan sartutako golari esker. Alternatibaz betetako partida frenetiko batean, talde babazorroak azken jokaldian berdindu du markagailua, puntu bat irabazteko.
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.