Europan eredu "jasangarri" batekin jarraitzea, Realaren helburua
Realak talde "orekatua" osatu du, Europan maiztasunez aritu ahal izateko xedea kirol eredu eta eredu ekonomiko "jasangarri" baten eskutik bete dadin. Hala iritzi dio Roberto Olabe Realeko Futbol zuzendariak, astelehen honetan udako merkatuaren itxiera aztertzeko komunikabideen aurrean izan duen agerraldian.
Olabe pozik agertu da taldeak sendotu nahi zituen posizioak indartzea lortu duelako, eta, aldi berean, taldeko jokalari garrantzitsuenek bertan jarraitzen dutelako.
Realeko kirol-arduradunak berretsi du helburua dela eredu "jasangarri" bat finkatzea, denboraldi honetan zailtasunak handiagoak izan arren, Txapeldunen Liga tarteko.
"Helburua Europa da berriro ere, Europan lehiatzen ari garen bitartean xede hori nahi izateak zailtasunak badakartza ere", esan du Olabek, eta argi utzi du Realak jakin badakiela "Liga dela taldea urtero Europara eramaten duena".
Realak Benfica, Inter Milan eta Salzburgorekin osatzen duen Txapeldunen Ligako multzoari buruz esan du txuri-urdinei "lehiatzeko" eta "aurrera egiteko" aukera ematen diela. "Gero, zelaiak eta aurkariak zure lekuan jartzen zaitu", gaineratu du.
Karrikaburu, bi urtez Alavesen
Klubak udako merkatuan egindako salerosketei dagokienez, Olabek jakinarazi du Jon Karrikaburu aurrelari nafarrak bi denboraldiz jokatuko duela utzita Alavesen, eta Gasteizko taldeak jokalaria erosteko aukera izango duela epealdi horren ostean. Dena den, Alavesek aukera hori baliatuko balu, Realak aurrelaria berreskuratzeko parada ere izango duela zehaztu du.
Olabek azaldu duenez, lagapenak aurtengo denboraldia eta beste bat jasotzen ditu, nahiz eta "federazio mailan" denboraldi bakarra agertu, ez baitira urtebetetik gorako lagapenak onartzen.
Realeko kirol arduradunak argitu duenaren arabera, aurrelari nafarraren asmoa Lehen Mailako talde batean aritzea izan da une oro, uste baitu Bigarren Mailan igarotako bere garaia beteta dagoela (Sanserekin aritu zen 2021-22an eta Leganesen utzita eman zuen joan den denboraldia).
Halaber, Arabako klubeko iturriek EFEri azaldu diotenez, bigarren denboraldirako aipatu lagapena gauza dadin, Alavesek Lehen Mailan jarraitzea lortu behar du.
Horrez gain, jokalariaren errendimenduaren arabera, baliteke Gloriosok lagapena bigarren denboraldi batez ez luzatzea.
Beste mugimenduak
Gainerako lagapenei dagokienez, Alex Solarenak (Alaves) zein Robert Navarrorenak (Cadiz) ez dute erosteko aukera barne hartzen, baina bai Diego Ricorenak (Getafe), Burgosko hegalekoak Donostiako taldeari egin ziezaiokeen ekarpena dagoeneko egin diola uste baitute.
Beste klub batzuek Realari utzitako jokalarien harira, Olabek adierazi du Realak Andre Silva erosteko aukera izango duela; ez, ordea, Kieran Tierney.
Azkenik, Alexander Sorlothi buruz ere hitz egin du. Ekainean egin zuen agerraldian, Olabek argi utzi zuen Realak aurrelari norvegiarra fitxatu nahi zuela, eta, hartara, Realak eskaintza bat egin ziola baieztatu du, baina "jokalariak nahi duen tokian jokatzen du, eta berak erabaki zuen Vila-realen jokatu nahi zuela".
Zure interesekoa izan daiteke
Realak Ainhoa Marin aurrelari kataluniarra fitxatu du
Futbolaria Deporretik iritsi da. Jokalariak, Policlinica Gipuzkoan azterketa medikoa gainditu eta Anoetako bulegoetan kontratua sinatu ondoren, adierazi du "ilusio handiarekin" dagoela eta "Realari laguntzeko gogo handia" duela.
Mikel Oyarzabal, 1950etik Munduko Txapelketa batean gutxienez bi gol sartzen dituen lehen euskal jokalaria
Realeko aurrelariak, multzo faseko bigarren jardunaldian, bi gol egin dizkio Saudi Arabiari; hala, 1950ean, Suedian, Telmo Zarrak eta Silvestre Igoak hurrenez hurren lau eta bi gol sartu zituztenetik, Munduko Txapelketa berean gutxienez bi gol lortu dituen lehenengo euskal futbolaria da.
Erik Bretos: “Asmoa da Remiro hemen egotea datorren denboraldian”
Realeko futbol zuzendariak lehen taldearen inguruko gaurkotasuna errepasatu du, baita udako merkatuari begira dituen asmoen berri eman ere. Remirok Realean jarraituko duela esan du "bi atezain handi izan nahi ditudalako", Rino Matarazzorekin kontratua luzatzeko hitz egiten ari direla baieztatu du, eta, besteak beste, Brais Mendez, Gorka Carrera eta Arsen Zakharyan jokalarien egoera aztertu du.
Realak Ainoa Campo fitxatu du, 2029ra arte
Espanyoletik ailegatu da 29 urteko erdilaria talde txuri-urdinera, eta kapitaina zen bertan. “Oso eskertuta nago proiektu anbiziotsu honetan parte hartzeko Realak nigan jarri duen konfiantzagatik”, adierazi du Campok.
Realak iragarri egin du Koparekin argazkiak doan ateratzeko aukera egongo dela, zale txuri-urdinak haserre agertu ondoren
Talde gipuzkoarrak azaldu duenez, bazkideak "entzun" ondoren, zaleek argazkia doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.
Realearen zaleek argazkia egin ahalko dute Errege Koparekin, ekainaren 19tik, 3 edo 6 euro ordainduta
Klub txuri-urdinak GUazen KOPAREKIN erakusketa irekiko du Anoetan, eta bertan garaikurrarekin argazkia ateratzeko aukera izango da. Bisita egin nahi dutenek sarrerak erreserbatu egin beharko dituzte; bazkideek, akziodunek eta RS Fanek 3 euroan eskuratuko dute, eta gainerako zaleek, 6 euroan.
Realak 2026-27 denboraldiaren amaierara arte luzatu du Unax Agoteren kontratua
Ezker hegaleko zizurkildarrak 1.700 minutu baino gehiago jokatu ditu Hypermotion Ligan eta Premier League International Cup txapelketan. Atzelaria 2015ean iritsi zen talde txuri-urdinera.
Sportingek Egoitz Arana fitxatu du
Aranak 11 partida jokatu ditu Bigarren Mailan amaitu berri den denboraldian Realaren bigarren taldearekin, eta aurreko denboraldian Lehen RFEF mailatik Hypermotion Ligara igotzen lagundu zion.
Realak Laura Camino fitxatu du
24 urteko jokalari kantabriarrak Eibarren jokatu du azken hiru denboraldietan.
Nahia Aparicio: “Gure jokatzeko modua erakutsi dugu denboraldi honetan”
Realaren hainbat jokalarik denboraldiaren balantzea egin dute gaur goizean Zubietan, datorren denboraldirako helburuez hitz egiteaz gain.