Realak irabazi egin dio Mallorcari (1-0) eta Txapeldunen Ligako postuetan da
Realak mendean hartu du Mallorca (1-0) asteazken honetan (urriak 19) Reale Arenan jokatu den Santander Ligako 10. jardunaldiko partidan. Talde txuri-urdina hirugarren da Ligako sailkapenean 22 punturekin, Europa Liga ere kontuan hartuta zortzigarren garaipena jarraian lortuta.
Neurketa atzerapenarekin hasi zen, zale txuri-urdin bat ondoezik zegoelako. Larrialdietako zerbitzuek harmailan bertan artatu eta haren egoera egonkortu zuten, ospitalera eraman aurretik. Zoritxarrez, handik gutxira erietxean hil egin zen.
Kirol arloari dagokionez, Imanol Alguacilek zuzentzen duen taldea bikain hasi da, laugarren minutuan Mikel Merinok gola sartu baitu (1-0) Braisek ateratako kornerra errematatuta.
Talde txuri-urdinak gola sartu ostean etorri da Mallorcaren erantzuna, baina 13. minutuan Angelek area barruan boleaz egin duen errematea langara joan da. Talde bisitariak abagune argia izan duen arren, txuri-urdinak nagusi izan dira lehen zatian. Rajkovic Mallorcako atezainak bi gol saihestu ditu 25 eta 29. minutuetan hurrenez hurren: lehenengo erantzun bikaina eman dio Kuboren erremateari, eta, geroago, Braisen gola eragotzi du hankarekin baloia urrunduta.
Bizi ekin diote bigarren zatiari bi taldeek. Partidako 58. minutuan Realak gertu izan du bigarren gola, baina Guevararen jaurtiketa zutoinera joan da. Hurrengo jokaldian, aldiz, Mallorcak kontraeraso azkarra antolatu, eta Amathek gola sartu du, baina baliorik gabe utzi du epaileak VARa kontsultatu eta jokaldiaren hasieran Amathek Elustondori falta egin diola adierazita.
Norgehiagokako azken txanpan erasora jo du Mallorcak. Reala estutasunetan sartu du Balearetako taldeak eta Remiro atezainak gola eragotzi du 87. minutuan Amathen jaurtiketari erantzun ona emanda. Sufritu egin behar izan du Realak amaieran, baina defentsan sendo ibili da, eta garaipenak ez dio ihes egin (1-0).
Fitxa teknikoa:
1 – Reala: Remiro; Gorosabel (Le Normand, 75. min), Le Aritz, Pacheco, Rico; Guevara (Zubimendi, 64. min), Merino, Brais (Illarramendi, 82. min), Silva (Carlos Fernandez, 64. min); Kubo (Navarro, 75. min) eta Sorloth.
0 – Mallorca: Rajkovic; González, Raíllo, Nastasic, Russo (Grenier, 77. min), Maffeo; Ruiz de Galarreta, Battaglia (Anteonio Sanchez, 77. min), Dani Rodriguez (Kang-In Lee, 69. min); Amath eta Angel (Abdon, 77 min).
Golak: 1-0, 4. min: Merino.
Epailea: Ortiz Arias. Txartel horiak atera dizkie Guevara (51. min) REaleko joklariari, baita Maffeo (63. min) eta Grenier (81. min) Mallorcako futbolariei.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.