Realak Atletico Madrilen aurka berdindu du (1-1)
Sadiq Umar Realeko aurrelari nigeriarrak, bere golarekin, puntu bat eman dio bere talde berriari Atletico Madrilen aurka. Berdinketa justua izan da eta bi taldeak luzapenean emaitza haien alde jartzetik gertu egon dira.
Atletico izan da bosgarren minutua baino lehen gol bat sartzeko aukera sortu duen lehena. Donostiarrek ez dute korner bat ondo defendatu, eta Alvaro Moratari baloia jaurtitzen utzi diote, etxekoak soken kontra jartzeko.
Realak erreakzionatu egin du, partida menderatzera pasa da eta, deskuidu koltxonero batean, David Silva partida berdintzear egon da, baina Oblakekin topo egin du. Merinok Choren pase bat ere bidali du zutoinera.
Moratak bigarren gola sartu du, baina epaileak baliorik gabe utzi du VAR bidez, baloiak Joao Felix portugaldarraren eskuan jo baitu.
Bigarren zatian, gipuzkoarrek, Sadiq Umarren sarrerarekin, aurrera pausu bat eman dute erasoan eta atzean hobera egin dute.
Aurrelari afrikarraren lehen baloia txartel horia izan da Reinildorentzat, bigarrenak sustoa eman dio Atleticori, eta hirugarrena berdinketa izan da, Ali Choren pasea buruz errematatuta.
Azken minutuetan Realak jada ez du indarrik izan eta Atleticok donostiarrak bere arean sartu ditu.
Fitxa teknikoa
1.- Reala: Remiro; Gorosabel (Sola, 82. min), Zubeldia (Aritz, 70. min), Le Normand, Muñoz; Zubimendi, Merino, Silva (Kubo, 70. min), Brais Mendez; Cho (Barrenetxea, 70. min) y Sorloth (Sadiq, 46. min).
1.- Atletico: Oblak (Grbic, 84. min); Saul Ñíguez (Kondogbia, 46. min), Reinildo, Witsel, Gimenez, Marcos Llorente; Koke, Carrasco (Hermoso, 78. min), De Paul (Griezmann, 62. min); Joao Félix y Morata (Correa, 78. min).
Golak: 0-1, 4. min: Morata. 1-1, 54. min: Sadiq.
Epailea: Soto Grado. Txartel horia atera die Zubimendi, Cho, Merino, Zubeldia, Gorosabel, Saul Ñíguez, De Paul, Marcos Llorente, Reinildo eta Morata jokalariei.
Zure interesekoa izan daiteke
Puntu banaketa Anoetan jokatutako derbi eroan (3-3)
Alavesek berdinketa agonikoa lortu du Realaren aurka (3-3), 97. minutuan sartutako golari esker. Alternatibaz betetako partida frenetiko batean, talde babazorroak azken jokaldian berdindu du markagailua, puntu bat irabazteko.
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.