Realak porrot mingarria jaso du Uniteden aurka eta kanporaketa ia erabakita geratu da
Realak porrot mingarria jaso du Manchester Uniteden aurka (0-4) Turinen jokatu duen UEFA Europa Ligako final-hamaseirenetako joaneko partidan eta kanporaketa ia erabakita geratu da.
Neurketako lehen minutuan izan du lehen zatiko abagune bakarra Realak, baina Januzajen jaurtiketa oso gutxigatik kanpora joan da, langa urratuta. Ondoren, ordea, Alex Remiro atezainak Manchester Uniteden gola eragotzi du, Rashforden errematea desbideratuta. Geroago, 16. minutuan, Remirok beste gol bat eragotzi du, McTominayren jaurtiketa geldituta. Pixkanaka, gero eta nagusiago izaten hasi da Manchester United, eta 19. minutuan berriro Realeko atezaina izan da protagonista Rashfordi beste gelditu bat eginda. Ingalatterako taldearen nagusitasunak saria jaso du 26. minutuan; Remiro eta Zaldua ez dira ondo elkar ulertu, eta Bruno Fernandesek 0-1ekoa sartu du.
Gola jaso ostean, Reala ezinean ibili da. Manchester United izan da baloiaren jabe, norgehiagoka kontrolpean izan du, eta gol bateko abantailarekin joan da atsedenaldira talde bisitaria.
Bigarren zatiari hobeto ekin dio Realak. Erasokorrago zelairatu da talde txuri-urdina, baina ez du abagune argirik sortu. Baloiaren jabe izan da Reala hasierako minutuetan, baina Unitedek kontraerasoa antolatu du 57. minutuan, eta Bruno Fernandesek 0-2koa jarri du markagailuan, Jamesen pasea jaso ostean.
Beste gol bat jasotzeak min handia egin dio Realari. Imanol Alguacilek zuzentzen duen taldea galduta ibili da, eta Manchester Unitedek hirugarren gola sartu du 65. minutuan; Rashfordek pase luzea jaso, eta 0-3koa sartu du.
Partidako azken txanpan hobeto ibili da talde txuri-urdina. Gol bat sartzea zuen helburu Realak azken minutuetan, baina laugarrena sartu duena Manchster United izan da, Jamesen bidez (0-4), 89. minutuan.
Fitxa teknikoa:
0.- Reala: Remiro; Zaldua (Gorosabel, 72. min), Le Normand, Zubeldia, Monreal; Illarramendi (Guevara, 73. min), Merino, Silva; Januzaj (Portu, 80. min), Oyarzabal (Jon Bautista, 86. min) eta Isak (Barrenetxea, 80. min).
4.- Manchester United: Henderson; Wan Bisaka, Bailly, Maguire, Telles; Scot MTominay (Matic, 59. min), Fred, Gçreenwood (Diallo, 83. min); Bruno Fernandes (Mata, 83. min), Daniel James eta Rashford.
Golak: 0-1, 26. min: Bruno Fernandes. 0-2, 57. min: Bruno Fernandes. 0-3, 65. min: Rashford. 0-4, 89. min: James.
Epailea: Sandro Scharrer (Suitza). Txartel horiak atera dizkie Le Normand Realeko jokalariari, baita Wan Bisaka Manchester Unitedeko futbolariari.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.