Eusebioren deialdia: Iñigo Martinez, barruan; Juanmi eta Odriozola, kanpoan
Eusebio Sacristan Realeko entrenatzaileak Iñigo Martinez zelairatzeko aukera izango du ostegun honetan, talde txuri-urdinak Europa Ligan Mazedoniako Vardarren aurka jokatu behar duen partidan. Aldiz, deialditik kanpo utzi ditu Juanmi Jimenez eta Alvaro Odriozola, eta Donostian geratuko dira badaezpada.
Valladolideko teknikariak gaur jakitera eman duen deialdian, atzelari ondarrutarraren presentzia nabarmentzen da; izan ere, orain arte ligako partida bat besterik ezin izan du jokatu denboraldi honetan.
Txanponaren beste aldea jokalari garrantzitsuak pairatzen ari deiren lesioak dira, Juanmi andaluziarraren kasua izanik azkena. Realeko golegile nagusienetako batek kolpe handia jaso zuen buruan Alavesen kontrako Mendizorrotzako derbian (0-2).
Klubak plazaratu duen osasun-txostenaren arabera, Malagakoak garuneko kommozio bat izan zuen. Dena dela, sendatze bidean dago, eta ostiralean normaltasunez entrenatzea espero dute.
Azpimarragarriagoa da Alvaro Odriozola hegalekoaren baja, Mikel Oyarzabalekin batera sasoirik onenean dagoen jokalaria. Odriozolak arazo fisikoak direla medio (bihurritu arinak ditu eskuineko belaunean zein orkatilan) ez du Mazedoniara bidaiatuko, Eusebiok nahiago izan baitu astelehenean lehiatuko den Espanyolen aurkako partidarako gorde.
Europako norgehiagokan parte hartuko ez duten beste jokalari batzuk Imanol Agirretxe, Carlos Martinez eta David Zurutuza dira, horiek ere lesionatuta daudelako.
Eusebiok 20 jokalari sartu ditu deialdian guztira, eta horien artean daude bigarren talde atezaina, Andoni Zubiaurre, eta Andoni Gorosabel hegalekoa.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.