Budimirren golak merezitako saria eman dio Osasunari Gironaren aurkako partidan (1-0)
Lisciren mutilek hiru puntu oso garrantzitsu lortu dituzte. Gazzaniga atezainaren geldiketek nafarrek markagailu zabalagoa lortzea saihestu dute.
Osasuna Gironari gailendu zaio EA Sports Ligako 29. jardunaldiko partidan. Budimirrek egin du nafarren garaipenaren gola partidako 80. minutuan, Kike Barjaren erdiraketa bikaina aprobetxatuta.
Lehen zati ona jokatu dute nafarrek eta bertan protagonista argia izan dute: Victor Muñoz. Aste honetan bertan, Luis de la Fuente Espainiako hautatzaileak zerrendan sartu du jokalari gorritxoa Espainiaren hurrengo neurketei begira.
Jokalari gorritxoa amesgaiztoa izan da Gironarentzat eta Gazzaniga atezainaren geldiketek bakarrik eragotzi dute Osasuna lehen minutuetan aurretik jartzea.
Lehen abisua 12. minutuan eman du Muñozek, kontraerasoan egindako jokaldi batean, baina Gironako atezainak erantzun bikaina eman dio Osasunako jokalariaren erremateari.
Sei minutu geroago, Muñoz eta Gazzaniga berriro protagonista izan dira, eta oraingoan ere argentinarrak ateratako eskuak jokalari gorritxoaren gola saihestu du.
34.ean, aukera Boyomok izan du buruarekin egindako erremate batean, baina Gazzanigak ondo harrapatu du baloia.
Atsedenaldiaren ostean, Gironak aurrerapausoa eman du, baina zorte handirik gabe.
Nafarrek penaltia eskatu dute Boyomoren kontraeraso batean, Fran Beltranek baloia eskuarekin desbideratu duelako, baina epaileak ez du ezer adierazi.
Victor Muñozek erasoan gogotsu jarraitu du baina gorritxoen gola, azkenean, Budimirrek sartu du 79. minutuan. Kike Barjak erdiraketa bikaina bidali dio.
Partidako azken abagune argia Raul Diazek izan du, baina ez du baloia ondo errematatu Gazzanigaren aurrean geratu denean.
Emaitza honi esker, Osasunak hiru puntu oso garrantzitsu lortu ditu salbazioa ziurtatzeko helburuan.
Zure interesekoa izan daiteke
Muñoz: "Oso garrantzitsua zen gaur irabaztea"
Iker Muñoz Osasunako jokalariaren adierazpenak, Gironaren aurka 1-0 irabazi ostean, EA Sports Ligako 29. jardunaldiko partidan.
Lisci: "Denok ehuneko ehuna ematen dugunean, guztiei aurre egiteko gai gara"
Osasunako entrenatzaileak Gironaren aurkako EA Sports Ligako 29. jardunaldiko partidari buruz hitz egin du. Horren arabera, irabazteko joaneko partidan baino partida hobea egin behar dute.
Moncayola: "Argi dago zuzendu egin behar ditugula gauza batzuk"
Jon Moncayola Osasunako jokalariaren adierazpenak, EA Sports Ligako 28. jardunaldiko partidan Realaren aurka 3-1 galdu ostean.
Lisci: "Partida jokatzeko eta egoera iraultzeko gogoak ditugu"
Osasunako entrenatzailea EA Sports Ligako 28. jardunaldian Realaren aurka jokatuko duten partidari buruz aritu da. Horren arabera, urteko gaurik gogorrenak Realaren aurkako partiden ostean izan dira.
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.
Alessio Lisci: "Mallorcaren aurkako partida oso garrantzitsua da"
Osasunako entrenatzaileak prentsaurrekoa eman du bihar Mallorcaren aurka jokatuko duten partidaren atarian. "Gogo handia dugu, partida oso garrantzitsua da, finalaren tankera duen neurketa", azpimarratu du. "Irabaziz gero, ez ginateke matematikoki salbatuta egongo, baina bai birtualki", adierazi du.
Braulio Vazquez: “Egon nahi dudan lekuan nagoela erakutsi dut, zoriontsu naizen lekuan”
Braulio Vazquez aurkeztu dute Osasunako kirol zuzendari 2029ra arte. Galiziarra Osasunan kirol zuzendari gisa denbora gehien egon den gizona izango da. Prentsaurrekoan adierazi duenez, "hori niretzat harro egoteko modukoa da", eta klub garrantzitsuen aukerak izan dituela gaineratu du.
Braulio Vazquez kirol zuzendariak Osasunarekin berritu du, 2029ra arte
Jose Antonio Prieto Cata futbol profesionaleko idazkari teknikoak ere sinatu du berritzea Nafarroako klubarekin. Braulio 2017an iritsi zen Osasunara, eta kargua bere gain hartu zuenetik, talde gorritxoa Lehen Mailara igo zen 2019an, sei aldiz eutsi dio mailari, Errege Kopako final bat jokatu du, eta Konferentzia Ligan ere izan da.
Lisci: "Agian 0-0eko partida izan da, baina futbolean golak sartu behar dira"
Osasunako entrenatzaileak partida amaitu ostean emandako prentsaurrekoan adierazi duenez, igande honetan Valentziaren aurka Mestallan jokatu duten neurketa "agian" 0-0ekoa izan da, eta ez 1-0ekoa, baina "futbolean golak sartu behar dira".