Osasunak irauli egin du Ceutaren aurkako kanporaketa (2-3), eta Errege Kopako final hamaseirenetan da
Osasuna 2024-25 denboraldiko Errege Kopako final hamaseirenetarako sailkatu da, ostegunean, txapelketako bigarren kanporaketan Ceuta kanporatuta. Alfonso Murube futbol zelaian jokatutako partidan, Osasunak 2-3 irabazi du, eta hiru golak neurketako azken txanpan lortu ditu Nafarroako taldeak; 84. minutuan, Ante Budimirrek 2-1ekoa sartu du, 87.ean Raul Garcia de Harok 2-2koa egin du, eta, 93.ean, Ceutako jokalari batek, nahi gabe, bere atean sartu du Osasunaren hirugarrena.
Hala, Osasunak, lehen zatian, ezin izan du eroso aritu; Ceutak, aldiz, estutu egin du, eta beldurrik gabe jokatu du. Ruben Peñak eta Pablo Ibañezek izan dituzte, 15. eta 25. minutuetan, Osasunaren lehenengo gola sartzeko aukerarik onenak; Avilako jokalariaren jaurtiketa oso gutxigatik joan da kanpora, eta erdilari iruindarraren errematea, atetik oso gertu, etxeko taldeko atezainak gelditu du.
41. minutuan, Ceutak lortu du markagailuan aurretik jartzea. Ceutako taldeak jokaldi bikaina egin du eskuinetik, Andyren eta Pedro Diezen bidez; azken horrek ondo erdiratu du penalti puntura, eta Redruk trebetasunez egin du errematea. Horrela joan dira aldageletara bi taldeak, Ceuta irabazten ari zela; bazirudien Osasuna ez zebilela gustura, berdegunean.
Bigarren zatian, Raul Garcia de Harok, 52. minutuan, gola egin du, Pablo Ibañezen pasea baliatuta, baina epaileak baliorik gabe utzi du gola, Ibañezen balizko jokoz kanpokoagatik; epaileak huts egin du, jokalari nafarraren kokapena erabat legezkoa baitzen. Iker Benitok oso gertu izan du berdinketaren gola, eta, jarraian, Vicente Morenok Ante Budimir eta Aimar Oroz zelairatzea agindu du.
Osasuna baloia mugitzen ari zen, eta etengabe zebilen berdinketaren bila, baina Ceuta ere ari zen arriskua sortzen, erasoko jokaldi batzuetan. Horrela, 69. minutuan, Ruben Diazek jaurtiketa bikaina egin du, area ertzetik, eta baloia angelutik sartu da Osasunaren atean. 2-0ekoa izan da.
79. minutuan, Ruben Garciak zutoinera jaurti du, aukera oso on batean. Bost minuturen buruan, Budimirrek, Raul Garcia de Harok buruz bikain utzitako baloia baliatuta, gola sartu du. 86. minutuan, Ruben Garciak erdiraketa ona egin du eskuinaldetik, eta Raul Garcia de Harok 2-2koa jarri du. Hiru minututan, gorritxoek markagailua berdindu egin dute, beraz.
Luzapenean, Redruk, alegia, Ceutaren aurreneko gola egin duen jokalariak, bere atean sartu du, nahi gabe, eta Osasunak hirugarren gola lortu du. Hamar minututan, Vicente Morenoren futbolariek hiru gol erabakigarri egin dituzte, eta horrek eman dio sailkatzea Nafarroako taldeari.
Fita teknikoa
2 - Ceuta: Pedro Lopez; Aisar, Redru, Carlos Hernandez, Yago; Bellotti (Sofiane, 72. min), Victor Corral, Ruben Diez (Blesa, 84. min); Andy Escudero (Taufek, 72. min), Jota (Bless, 72. min) eta Aquino (Rodri, 61. min).
3 - Osasuna: Aitor Fernandez; Nacho Vidal (Areso, 72. min), Bretones, Unai Garcia, Herrando; Torro, Pablo Ibañez (Aimar Oroz, 59. min), Moi Gomez (Kike Barja, 80. min); Ruben Peña (Ruben Garcia, 72. min), Iker Benito (Budimir, 59. min) eta Raul.
Golak: 1-0, 40. min: Redru. 2-0, 69. min. Ruben Diez. 2-1, 84. min. Budimir. 2-2, 87. min. Raul. 2-3, 93. min. Redru, bere atean.
Epailea: Alejandro Quintero Gonzalez (Andaluzia). Ceutako Carlos Hernandez eta Jose Juan Romero entrenatzailea, eta Vicente Moreno Osasunako entrenatzailea zigortu ditu, txartel hoia aterata.
Nabarmentzekoa: 4.052 zale izan dira, Alfonso Murube futbol zelaian.
Zure interesekoa izan daiteke
Boyomo, Lucas Torro, Aimar Oroz eta Arguibide FC Bartzelonaren aurka jokatu ahalko dute, larunbatean
Osasunako lau jokalariak arazo fisikoekin amaitu zuten Levanteren aurkako partida, aurreko astelehenean, baina Alessio Liscirendako eskuragarri egonen dira Camp Nouen jokatuko den partidan.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Osasunak garaipen sendoa lortu du Levanteren aurka, Sadarren (2-0)
Talde gorritxoak partida tinkoa sinatu du mailari eusteko lehia zuzenean, eta Levante are ukituago utzi du.
Osasunak Alykall Doumbia harrobiko aurrelari azkarrari kontratua 2029ra arte berritu dio
Gainera, talde gorritxoak 2031ra arte luzatu ahal izango du lotura profesionala. Jokalariaren etete-klausula 20 milioikoa izango da, eta 40 milioira igoko da lehen taldeko kide bada.
Valentin Rosierrek bere taldekideekin entrenatu du, Taxoaren
Osasunako jokalariak taldearekin entrenatu ahal izan du, hilabete eta erdi baino gehiago lesionatuta eman ondoren; horrela, hurrengo astelehenean berragertu ahalko litzateke, Levanteren aurkako partiduan.
Lisci kritiko agertu da bere taldearekin, garaipena eta sailkapena lortu arren
"Geldikako jokaldietan askoz kontzentratuago egon behar gara, partida berriro irekitzen utzi dugu baloi geldian eta bigarren jokaldietan. Ez nago pozik abantailaren kudeaketarekin, noski", azpimarrtu du gorritxoen entrenatzaileak Ebrori irabazi ondoren.
Errege Kopako Ebro vs Osasuna kanporaketako laburpena eta golak (3-5)
Osasunak Ebro kanporatu du, txapelketako bigarren kanporaketan, eta final zortzirenetarako sailkatu da. Raul Garcia de Harok bi gol sartu ditu, eta Moi Gomezek, Sheraldo Beckerrek eta Victor Muñozek, bana.
Osasunak Ebro menderatu du (3-5), kanporaketa bizi-bizian, eta Errege Kopako final hamaseirenetan da
Aragoiko taldeak hartu du aurrea, lehen zatiko azken jokaldian, baina, bigarren zatian, Osasunak, Raul Garciak sartutako bi golen eta Moi Gomezek, Beckerrek eta Victor Muñozek ere sartutako hiruren bidez, garaipena eskuratu du.
Kamerunek Enzo Boyomo deitu du Afrikako Kopa jokatzeko
Horrela, Osasunak ez du Boyomo eskuragarri izanen gutxienez Alavesen aurkako partidan, abenduaren 20an. Afrikako Kopa Marokon jokatuko da abenduaren 21etik urtarrilaren 18ra arte.
Lisci: ''Moncayolak eta Aimar Orozek ez dute Ebroren aurkako neurketa jokatuko, arriskurik ez hartzeko''
Kopako aurkariari buruz, Osasunako entrenatzaileak esan du "talde oso lehiakorra" dela, "oso futbolari onekin". "Oso serio hartu behar dugu, talde fisikoa eta geldikako baloietan ona delako. Ez zaude sekula eroso horrelako taldeen aurka", ohartarazi du.