Osasunak galdu egin du Rayoren aurka, markagailuan aurreratzea lortu duen arren (2-1)
Osasuna galtzaile atera da Rayoren aurka EA Sports Ligako 32. jardunaldian Vallecasen jokatutako partidatik. Madrildarrak 0 eta 1 galtzen izan dira norgehiagokako 80. minutuan, baina bost minutuan Chavarriak eta Isik egindako golek emaitza irauli dute eta hiru puntuak etxean geratu dira.
Lehen zati ona jokatu dute Jagoba Arrasateren jokalariek. Berriatuko entrenatzaileak 250. partida bete du gaur gorritxoen aulkian. Nafarrak erasora atera dira hasieratik. eta 6. minutuan gola egiteko aukera oso argia izan dute. Ruben Garcia bakar-bakarrik geratu da Dimitrievski atezainaren aurrean, baina errematea desbideratuta atera zaio.
Nafarrek erasoan jarraitu dute, eta Rayori kosta egin zaio partidan sartzea. 17. minutuan, David Garcia lesionatu egin da, baloi baten atzean korrikan zihoala. Eskua eskuineko zangoaren atzeko partera eraman du, min hartuta. Arrasatek Catena sartu du haren ordez.
Lehen ordu erdia betetzear zenean iritsi da Osasunaren gola. Moi Gomezek Raul Garciaren pasea jaso du, eta horren errematea Rayoren atean sartu da, zutoina jo ostean.
Iñigo Martinez Osasunako jokalari ohiak zuzendutako taldeak ere erasora jo du berdinketaren bila, baina nafarrak oso seguru aritu dira defentsan eta presio ona egin dute Rayo baloia jokatuta ateratzen saiatu denean. Ondorioz, Sergio Herrerak lehen zati nahiko lasaia izan du.
Bigarrenean, Rayo berdinketaren bila atera da, eta arriskua sortu du Herreraren atearen inguruan.
Egoera ikusita, Arrasatek bi aldaketa egin ditu: Moncayola eta Torro sartu ditu Pablo Ibañezen eta Iker Muñozen ordez.
Rayoren golak
Rayoren gola 80. minutuan iritsi da. Madrildarrek korner bat atera dute, nafarrek lehen zutoinean urrundu dute eta baloia Chavarriari iritsi zaio, areatik kanpo. Horren errematea Herreraren atean sartu da, markagailuan 1 eta 1ekoa jartzeko.
Ondoren, Jagoba Arrasatek Asier Osanbela zelairatu du. Aurrelari gazteak debuta egin du Lehen Mailan.
Handik gutxira, Rayok bigarrena egin du. Isik sartu du, baloia urrunetik errematatuta, jokaldi pertsonala egin ostean. Bigarren gola kolpea izan da gorritxoentzat, erreakzionatzeko denborarik gabe geratu baitira. Azkenean, hiru puntuak Vallecasen geratu dira, urrezko hiru puntu Lehen Mailan jarraitzkeo lehian dagoen Rayorentzat.
Fitxa teknikoa
2 - Rayo Vallecano: Dimitrievski; Balliu, Mumin, Lejeune, Chavarria; Oscar Valentin (Pathe Ciss, 46. min), Unai Lopez (Falcao, 73. min); De Frutos (Bebe, 73. min), Trejo (Crespo, 82. min), Isi; eta Camello (Raul de Tomas, 60. min).
1 - Osasuna: Sergio Herrera; Areso, David Garcia (Catena, 18. min), Herrando, Juan Cruz (Mojica, 82. min); Ruben Peña, Iker Muñoz (Torro, 68. min), Pablo Ibañez (Moncayola, 68. min), Moi Gomez (Osambela, 82. min); Ruben Garcia eta Raul Garcia de Haro.
Golak: 0-1: 28. min, Moi Gomez; 1-1: 79. min, Chavarria; 2-1: 83. min, Isi Palazon.
Epailea: Mario Melero Lopez (Andaluziako batzordekoa). Txartel horia atera die Rayoko Oscar Valentin (45. min), Pathe Ciss (51. min) eta Isi Palazon (86. min) jokalariei, eta Osasunako Iker Muñoz (48. min) jokalariari.
Zure interesekoa izan daiteke
Boyomo, Lucas Torro, Aimar Oroz eta Arguibide FC Bartzelonaren aurka jokatu ahalko dute, larunbatean
Osasunako lau jokalariak arazo fisikoekin amaitu zuten Levanteren aurkako partida, aurreko astelehenean, baina Alessio Liscirendako eskuragarri egonen dira Camp Nouen jokatuko den partidan.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Osasunak garaipen sendoa lortu du Levanteren aurka, Sadarren (2-0)
Talde gorritxoak partida tinkoa sinatu du mailari eusteko lehia zuzenean, eta Levante are ukituago utzi du.
Osasunak Alykall Doumbia harrobiko aurrelari azkarrari kontratua 2029ra arte berritu dio
Gainera, talde gorritxoak 2031ra arte luzatu ahal izango du lotura profesionala. Jokalariaren etete-klausula 20 milioikoa izango da, eta 40 milioira igoko da lehen taldeko kide bada.
Valentin Rosierrek bere taldekideekin entrenatu du, Taxoaren
Osasunako jokalariak taldearekin entrenatu ahal izan du, hilabete eta erdi baino gehiago lesionatuta eman ondoren; horrela, hurrengo astelehenean berragertu ahalko litzateke, Levanteren aurkako partiduan.
Lisci kritiko agertu da bere taldearekin, garaipena eta sailkapena lortu arren
"Geldikako jokaldietan askoz kontzentratuago egon behar gara, partida berriro irekitzen utzi dugu baloi geldian eta bigarren jokaldietan. Ez nago pozik abantailaren kudeaketarekin, noski", azpimarrtu du gorritxoen entrenatzaileak Ebrori irabazi ondoren.
Errege Kopako Ebro vs Osasuna kanporaketako laburpena eta golak (3-5)
Osasunak Ebro kanporatu du, txapelketako bigarren kanporaketan, eta final zortzirenetarako sailkatu da. Raul Garcia de Harok bi gol sartu ditu, eta Moi Gomezek, Sheraldo Beckerrek eta Victor Muñozek, bana.
Osasunak Ebro menderatu du (3-5), kanporaketa bizi-bizian, eta Errege Kopako final hamaseirenetan da
Aragoiko taldeak hartu du aurrea, lehen zatiko azken jokaldian, baina, bigarren zatian, Osasunak, Raul Garciak sartutako bi golen eta Moi Gomezek, Beckerrek eta Victor Muñozek ere sartutako hiruren bidez, garaipena eskuratu du.
Kamerunek Enzo Boyomo deitu du Afrikako Kopa jokatzeko
Horrela, Osasunak ez du Boyomo eskuragarri izanen gutxienez Alavesen aurkako partidan, abenduaren 20an. Afrikako Kopa Marokon jokatuko da abenduaren 21etik urtarrilaren 18ra arte.
Lisci: ''Moncayolak eta Aimar Orozek ez dute Ebroren aurkako neurketa jokatuko, arriskurik ez hartzeko''
Kopako aurkariari buruz, Osasunako entrenatzaileak esan du "talde oso lehiakorra" dela, "oso futbolari onekin". "Oso serio hartu behar dugu, talde fisikoa eta geldikako baloietan ona delako. Ez zaude sekula eroso horrelako taldeen aurka", ohartarazi du.