Osasunak penalti bat huts egin du 96. minutuan eta ezin izan du punturik batu Valentziaren aurka (0-1)
Osasunak 0-1 galdu du Valentziaren aurka, Sadarren, 2023-24 denboraldiko EA Sports Ligako 31. jardunaldian, astelehen gauean. Andre Almeidak egin du, 18. minutuan, Valentziari garaipena eman dion gola, baina partida 96. minutuan izandako beste jokaldi batek markatu du; izan ere, Osasunak aldeko penalti bat izan du, eta Ante Budimirrek hartu du bere gain Jagoba Arrasateren taldeari merezitako puntua eman ahal zion penaltia jaurtitzeko ardura, baina aurrelari kroaziarrak oso gaizki jo du eta Mamardashvili Valentziako atezainak ez du arazorik izan baloia gelditzeko.
Osasuna-Valentzia partidako laburpena (0-1)
Emaitza hori zenbatuta, Osasuna hamaikagarren dabil, eta zazpigarren postua, alegia, Konferentzia Ligarako txartela ematen duen tokia, zortzi puntura du, zazpi jardunaldi gelditzen direla. Kontuan izanik Valentzia dabilela zazpigarren postu horretan, Nafarroako taldeak abagune polita zuen Europarako lehian aurrerapauso handia emateko, baina ezin izan du; Osasunak partida ona jokatu du, eta gutxienez puntu bat eskuratzeko moduko merituak egin ditu, baina ez du asmatu aurkariaren atearen aurrean, eta, azkenean, galdu egin du.
Lehenengo zatian, Arrasateren gizonak indartsu zelairatu badira ere, Valentziak arriskua sortu du, joko azkar eta sakona eginez. Horrela sortu du Ruben Barajaren taldeak 0-1ekoaren jokaldia, Andre Almeidak ondo amaitutako eraso batean.
Aurreneko zati horretako azken minutuetan, Osasunak jokoaren kontrola hartu du, eta Moi Gomezek, areatik kanpo, zutoinera jaurti du. Bigarren zatian, gorritxoen erasoaldia etengabekoa izan da; Jorge Herrandok eta Ante Budimirrek, besteak beste, gertu-gertu izan dute berdinketa.
Hala, partida luzapenean sartu da, eta tarte horretan, Valentziaren arean, Budimirren eta Hugo Guillamonen arteko lehia bat izan da; Martinez Munuera epaileak, VARean kontsultatuta, penaltia adierazi du, baina Budimir, beti jaurtitzaile oso ona izanda ere, ez du gauzatu. Osasunak, horrenbestez, ezin izan du porrota ekidin.
Fitxa teknikoa
0 – Osasuna: Herrera: Areso, David Garcia, Herrando, Juan Cruz (Mojica, 58. min); Moncayola (Pablo Ibañez, 77. min), Iker Muñoz, Moi Gomez; Ruben Garcia (Peña, 77. min), Budimir, Arnaiz (Raul, 77. min).
1 – Valentzia: Mamardashvili; Foulquier, Mosquera, Cenk, Vazquez; Fran Perez (Peter, 79. min), Javi Guerra (Amallah, 88. min), Pepelu, Diego Lopez (Correia, 88. min); Almeida (Mari, 76. min), Duro (Guillamon, 76. min).
Gola: 0-1, 18. min: Almeida. .
Epailea: Jose Munuera Montero, Masso Granadok eta Martinez Morenok lagunduta. Valentziako Duro Mamardashvili zigortu ditu, txartel hori bana aterata.
Gertakizunak: EA Sports Ligako 31. jardunaldiko partida. Sadarren jokatu dute, eta 19.480 zale izan dira bertan.
Zure interesekoa izan daiteke
Alessio Lisci, Kopako Huesca-Osasuna kanporaketaz: “Alavesen aurkako partida ere izango dugu kontuan”
Errege Kopako final hamaseirenetan, Osasunak Huescaren kontra jokatuko du, Alcorazen, asteazkenean. Alessio Lisci Nafarroako taldeko entrenatzaileak onartu du larunbatean izango den Osasuna-Alaves derbiak eragina izango duela hamaikakoan, baina zehaztu ere zehaztu du: “Aterako dugun taldeak aurrera egiteko ahalmen osoa izango du”.
“Merkatura joateko dirua daukagu”, ohartarazi du Braulio Vazquezek
Taldea neguko merkatuan berrindartzeko lanean ari dela baieztatu du Osasunako kirol zuzendariak, hala ere, gaur egungo merkatuaren konplexutasuna onartu du.
Lisci: "Tokatzen zen partida egin dugu; taldeak partida bikaina egin du, eskatu diedan ia guztia egin dute"
Osasunak 2-0 galdu du Bartzelonaren aurka Spotify Camp Noun. Partidaren ondoren, Alessio Liscik adierazi du taldea ondo aritu dela, akats batzuk tarteko, baina eskatutakoa bete dutela.
Osasunaren harresiak ez dio Bartzelonaren erasoari eutsi (2-0)
Gorritxoek dena eman dute defentsan euren areara etengabe hurbildu den talde baten aurka, Raphinhak garaipenaren bi golak sartu dituen arte.
Lisci: "Dena gerta daiteke futbolean, eta Bartzelonaren aurka saiatuko gara"
Osasuna taldeko entrenatzaileak larunbatean Bartzelonaren aurka EA Sports ligako 16. jardunaldian jokatuko duen partidaz hitz egin du.
Boyomok, Lucas Torrok, Aimar Orozek eta Arguibidek Bartzelonaren aurka jokatu ahalko dute, larunbatean
Osasunako lau jokalariek arazo fisikoak zituztela amaitu zuten Levanteren aurkako partida, aurreko astelehenean, baina Alessio Liscirendako eskuragarri egonen dira, Camp Noun jokatuko den partidan.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Osasunak garaipen sendoa lortu du Levanteren aurka, Sadarren (2-0)
Talde gorritxoak partida tinkoa sinatu du mailari eusteko lehia zuzenean, eta Levante are ukituago utzi du.
Osasunak Alykall Doumbia harrobiko aurrelari azkarrari kontratua 2029ra arte berritu dio
Gainera, talde gorritxoak 2031ra arte luzatu ahal izango du lotura profesionala. Jokalariaren etete-klausula 20 milioikoa izango da, eta 40 milioira igoko da lehen taldeko kide bada.
Valentin Rosierrek bere taldekideekin entrenatu du, Taxoaren
Osasunako jokalariak taldearekin entrenatu ahal izan du, hilabete eta erdi baino gehiago lesionatuta eman ondoren; horrela, hurrengo astelehenean berragertu ahalko litzateke, Levanteren aurkako partiduan.