Eibarrek galdu egin du Kordoban, eta etxetik kanpo ezin irabazi jarraitzen du
Eibarrek 2-1 galdu zuen asteartean Kordobaren aurka, Hypermotion Ligako 20. jardunaldian, El Arcangel futbol-zelaian. Horrenbestez, armaginek etxetik kanpo jokatutako azken zazpi norgehiagokak galdu dituzte. Kordobarrek, ordea, ligako lehen itzulian ez du partidarik galdu etxean.
Gaueko lehen aukera Pascualek izan zuen, partida hasi eta berehala, 8. minutuan, urrunetik egindako jaurtiketa batekin. Carlos Marinek baloia kornerrera bota behar izan zuen.
Gipuzkoako taldea nagusi izaten hasi zen arren, lehen ordu laurdena beteta, 16. minutuan, Kordoba aurretik jarri zen markagailuan, Théo Zidanek Casasi egindako pase bikaina sare barrura bidalita.
Dena den, handik hiru minutura, Eibarrek neurketa bana jarri zuen, Nolaskoainen eskutik. Berdinketa eta gero, ordea, ez zen gol-aukera gehiagorik izan lehen zati osoan.
Bigarren zatian, jokoaren erritmoa mantsotu egin zen, eta lehen ordu erdia pasa arte itxaron behar izan zen beste arrisku-aukeraren bat ikusteko. Kordobak bi izan zituen: Xavi Sintesek lehenik, eta Theok, ondoren, 64. minutuan. Sintesen jaurtiketa zutoinera joan zen, eta Theorena, berriz, zutoin gainetik kanpora. Apur bat geroago, Eibarri iritsi zitzaion markagailuan aurretik jartzeko parada, baina Alkainek ez zuen asmatu.
Azkenik, Ander Yoldik eta Adilsonek eman zioten garaipena Kordobari, 86. minutuan. Bandatik baloia atera zuen Yoldik eta jokalari portugaldarrak ez zuen hutsik egin, eta 2-1ekoa erdietsi zuen taldeak.
-Fitxa teknikoa:
2 - Kordoba: Carlos Marin; Carlos Isaac, Xavi Sintes, Martinez, Calderon; Isma Ruiz, Alex Sala; Carracedo, Théo Zidane (Adilson, 75. min), Jacobo (Genaro, 90. min); eta Antonio Casas (Ander Yoldi, 84. min).
1 - Eibar: Magunagoitia; Corpas, Carrillo, Arambarri, Arrillaga (Toni Villa, 88. min); Sergio Alvarez, Nolaskoain (Matheus Pereira, 66. min); Alkain, Madariaga (Cristian Gutierrez, 88. min), Guruzeta (Puertas, 75. min); eta Pascual (Bautista, 66. min).
Golak: 1-0, 16. min: Antonio Casas. 1-1, 19. min: Nolaskoain. 2-1, 86. min: Adilson.
Epailea: Huerta de Aza. Théo Zidane (31. min), Antonio Casas (45. min), Martinez (75. min) eta Calderon (94. min) etxeko jokalariei txartel horia atera zien, baita Alvaro Carrillo Eibarko jokalariari ere (2. min).
Gertakariak: Hypermotion Ligako 20. jardunaldiko partida, El Arcangel futbol-zelaian, 15.633 ikuslerekin.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.