Huescak mendean hartu du Eibar (2-1)
Huescak 2-1 garaitu du Eibar, Corpasek azken minutuan jaurtitako penalti bat huts egin eta gero, euskal taldeak etxetik kanpo daraman dinamika txarra berretsi duen neurketako azken jokaldian.
Bi taldeek kontrol handiarekin eta joko oso mantsoarekin elkar aztertzen minutu batzuk eman ondoren, Eibar Huescaren ate ingurura iritsi den lehen aukeran, Corpasek barnealdi batean erdiratu du area barrura, eta Dani Jimenezek ezin izan du ezer egin Pascualen gola saihesteko (0-1).
Golak konfiantza handiagoa eman dio Eibarri, eta Huescak ez zuen bere jokoa egiteko aukerarik talde armaginaren erasoaldien aurrean. Beste aukera bat izan du Eibarrek, 17. minutuan, Madariagaren jaurtiketa bikain batean.
30. minututik aurrera, Huescako Valentinek eskuin hegaletik egindako erasoek arriskua sortu dute Eibarren defentsan, intentsitatea jaitsi baitu, eta jokaldietako batean, hiru defentsa atzean utzi eta Vilarrasak erdiraketa egin ondoren, Sokok errematatu eta berdinketa jarri du markagailuan (1-1).
Atsedenaldiaren ostean, Huesca Eibar baino indartsuago zelairatu da, eta abagune argia izan du 47. minutuan. Huescak beste gol aukera argi bat izan du 64. minutuan, Javi Hernandezek baloia atetik kanpora jaurti duenean.
Minutuek aurrera egin ahala, Eibar desagertu egin da, eta Huescari alde jarri zaio norgehiagoka, Alvarezek Joaquini egindako penaltiarekin 78. minutuan. Sielvak ez du hutsik egin 11 metroko puntutik, eta buelta eman dio markagailuari (2-1).
Eibarrek ez zuen bizi zantzurik ematen, baina penalti bat izan du alde partidaren azken minutuan. Dani Jimenezek, baina, Corpasen jaurtiketa gelditu du norgehiagokako azken jokaldian.
Fitxa teknikoa:
2 - Huesca: Dani Jimenez; Valentin (Abad, 80. min), Loureiro, Blasco, Jorge Pulido, Vilarrasa; Sielva Kortajarena (Martin, 84. min), Javi Hernandez (Mier, 80. min); Soko (Joaquin, 69. min) eta Enrich (Unzueta, 68. min).
1 - Eibar: Magunagoitia; Corpas, Carrillo, Arambarri, Gutierrez; Alvarez, Nolascoain (Pereira, 73. min); Guruzeta (Bautista, 80. min), Madariaga (Slavi, 84. min), Puertas (Alkain, 73. min); Pascual.
Golak: 0-1, 9. min, Jorge Pascual; 1-1, 39. min, Soko; 2-1, 78. min, Sielva (penaltiz).
Epailea: Moreno Aragon.
Zure interesekoa izan daiteke
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.