Eibarrek 0-0 berdindu du Oviedorekin igotzeko play-offeko finalerdietako joaneko partida
Eibarrek 0-0 berdindu du Oviedorekin Carlos Tartiere estadioan jokatutako Lehen Mailara igotzeko play-offeko finalerdietako joaneko partida. Ondorioz, Ipuruan erabakiko da kanporaketa, ekainaren 12an.
Oviedo erasokor zelairatu da. Etxeko taldeak baloia kontrolatu du eta Eibar atzean sartu du. Hala ere, lehen abagune argia talde armaginak izan du: Corpasek aurkariari driblina egin nahi izan dio, jaurti beharrean, eta alferrik galdu du gola sartzeko aukera. Gainera, bederatzi minutu geroago, Eibarrek beste abisu bat eman du, eta Stoichkoven jaurtiketa gurutzatua kanpora joan da. Asturiasko taldearen erantzuna 21. minutuan heldu da, baina Colombattoren jaurtiketak ez du Luca Zidanek babestutako atea aurkitu.
Ondoren, lehen zatiko azken 25 minutuak parekatuak izan dira. Bazirudien bi taldeetako bat ere ez zela gai izango aurkariaren ate ingurura arriskua eramateko. Dena den, 44. minutuan, Luca Zidanek Oviedoren gola saihestu du, Alemaoren errematea geldituta.
Bigarren zatiaren hasiera bizia izan da. Hala ere, ez Oviedok ez Eibarrek ez dute abagune argirik izan. Defentsak aurrelariei nagusitu zaizkie, eta parekotasuna izan da nagusi. Hori bai, jokalariek baloi guztiak borrokatu dituzte.
Norgehiagoka golik gabe berdinduta iritsi da azken txanpara. Bi taldeak gola egiten saiatu dira, itzuliko neurketara abantailarekin heltzeko. Hurbilketa batean, Oviedok abagune argia izan du 90. minutuan; Paulinoren erremateari, ordea, erantzun bikaina eman dio Luca Zidanek. Gero, 93. minutuan, armaginek izan dute gola egiteko aukera, baina Konraden errematea kanpora joan da.
Horrenbestez, golik gabeko berdinketarekin amaitu da partida, eta Ipuruan erabakiko da zein taldek lortuko duen finalerako txartela, ekainaren 12ko partidan.
Fitxa teknikoa:
0 - Oviedo: Leo Roman; Viti, Luengo, Dani Calvo, Pomares (Abel Bretones, 87. min); Sebas Moyano (Paulino, 75. min), Luismi, Colombatto, Borja Sanchez (Dubasin, 64. min); Borja Baston (Alex Millan, 75. min) eta Alemao (Masca, 87. min).
0 - Eibar: Luca Zidane; Rober Correa (Sergio Alvarez, 75. min), Berrocal (Tejero, 87. min), Arbilla, Cristian; Nolaskoain, Matheus; Aketxe, Mario Soriano, Corpas (Konrad, 87. min); eta Stoichkov.
Epailea: Quintero Gonzalez. Txartel horia atera die Borja Sanchez (61. min), Viti (72. min) eta Dubasin (89. min) Oviedoko jokalariei, baita Stoichkov (6. min) Eibarko futbolariari ere.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.