Hirugarren garaipena jarraian Eibarrentzat, Teneriferen aurka hiru puntuak bereganatuta (3-0)
Eibarrek irabazi egin du Teneriferen aurka (3-0) larunbat honetan, irailaren 30ean, Ipuruan jokatutako Hypermotion Ligako 8. jardunaldiko partida. Ondorioz, armaginek hirugarren garaipena jarraian bereganatu dute, 12 puntu ditu eta gora egin du sailkapenean ere bai.
Etxeko taldeak ondo ekin dio neurketari. Bigarren minutuan Stoichkovek izan du abagunea, eta 18.ean Arbilla egon da gola sartzetik gertu; hala ere, bietako batek ere ez du zulatu aurkariak babestutako atea.
Teneriferen erantzuna 27. minutuan heldu da Roberto Lopezek egindako jaurtiketa baten bidez, baina Luca Zidane atezainak gelditu egin du. Bost minutu geroago, ordea, Tejeroren errematea kanpora joan da.
Bi taldeek izan dituzte aukerak golak sartzeko, Eibarrek gehiago, baina lehen zatia golik gabe berdinduta amaitu da.
Atsedenaldiaren ostean, etxeko taldeak baloiaren jabe izaten jarraitu du, eta saria jaso du 59. minutuan; Stoichkovek 1-0ekoa jarri du markagailuan, area ertzean baloia hartu eta jaurtiketa bikainarekin Tenerifeko atezaina gaindituta.
Lehen golak hauspotu egin du talde armagina. Erasora jotzen jarraitu du Eibarrek, eta Quiquek sartu du 2-0ekoa; birritan pentsatu gabe, etxeko taldeko jokalariak jaurti eta baloia ate barruan jarri du.
Bigarren gola jaso ostean, Luca Zidane atezainak erantzun ona eman dio Mo Daudaren erremateari. Gero, 85. minutuan Teto egon da gola sartzetik gertu, baina haren jaurtiketa kanpora joan da gutxigatik.
Tenerifel barkatu egin du azken txanpan; Eibarrek, ordea, ez. Luzapenean, Unai Vencedorrek biribildu du armaginen garaipena (3-0), area barruan egindako errematearekin Soriano atezaina gaindituta.
Fitxa teknikoa:
3. Eibar: Luca, Tejero, Berrocal, Arbilla, Cristian (Rios Reina, 69. min), Sergio Alvarez, Matheus, Corpas (Troncho, 79. min), Mario Soriano (Vencedor, 87. min), Stoichkov (Rahmani, 87. min) eta Quique (Qasmi, 79. min).
0. Tenerife: Juan Soriano, Aitor Buñuel, Amo, Loic, Nacho, Teto, Sergio Gonzalez (Corredera, 46. min), Bodiger (Pablo Hernandez, 80. min), Luismi Cruz (Mo Dauda, 67. min), Roberto Lopez (Waldo, 46. min) eta Angel (Enric Gallego, 67. min).
Golak: 1-0, 59. min. Stoichkov. 2-0, 65. min. Quique. 3-0, 90. min. Vencedor.
Epailea: Jose Luis Guzman Mansilla. Txartel horiak atera dizkie Amo (41. min), Quique Gonzalez (65. min), Corpas (70. min) eta Qasmi (88. min) jokalariei.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.