Berrocalen golak lider mantendu du Eibar (2-1)
Eibar bolada ezin hobean dago, eta igande honetan Malaga garaitu du (2-1) azken minutuetan Berrocalek 90. minutuan sartutako golari esker.
Etxekoen lehen abisua 10. minutuan izan da, Tejerok egin duen jaurtiketa batekin, eta 18.ean Stoichkoven presioak ia bere helburua lortu du, talde malazitarreko atezainak ezin izan baitu baloia ondo eten eta aurrelari armaginak baloia eraman eta Ruben Yañezen gorputzera jaurti du.
Malagak ez du amore eman, eta 22. minutuan bisitarien jokaldi on bati amaiera bikaina eman dio Chavarriaren burukada batek, Luca Zidanek ondo gelditu duena. Baina hamar minutu geroago Stocihkovek defentsa-lagapen kaskarra baliatu du abiaduragatik alde egiteko eta baloia ezker zutoinari itsatsita Yañezen helmenetik kanpo oso ondo gurutzatzeko.
Indartsu hasi du Eibarrek bigarren zatia eta Malagaren pixkanaka arriskuz hurbiltzen hasi da etxekoen areara. 59. minutuan, Lago Junior Zidane ezustean harrapatzeko zorian egon da, eta atezainak bere jaurtiketa gelditu behar izan du.
Malagak ekinean jarraitu du partida joan egingo zitzaiola ikusiz, baina etxekoak ez dira defentsan estu eta larri ibili.
86. minutuan epaileak baliorik gabe utzi du Fran Sol armagin ohiaren gola, jokoz kanpo zegoelako, baina 88. minutuan Burgosen jaurtiketa bat obus bat bezala sartu da eta berdinketa ekarri dio Malagari.
Bisitarien pozak gutxi iraun du, hurrengo jokaldian, 90. minutuan, Berrocalek baloi bat orraztu baitu korner baten ondoren eta 2-1ekoa sinatu du.
Fitxa teknikoa
2.- Eibar: Luca Zidane, Tejero, Berrocal, Arbilla, Imanol, Sergio Alvarez, Matheus, Corpas (Vadillo, 80. min), Muñoz (Venancio, 93. min), Rahmani (Quique Gonzalez, 80. min) eta Stoichkov (Bautista, 71. min).
1.- Malaga: Ruben Yañez. Jonas Ramalho, Burgos, Juande, Javi Jimenez, Aleix Febas (Luis Muñoz, 72. min), Jozabed (Lago Junior, 55. min). N´diaye, Fran Villalba (Fran Sol, 84. min), Chavarria (Appiah, 84. min) eta Ruben Castro (Gallar, 72. min).
Golak: 1-0, 32. min: Stoichkov. 1-1, 88. min: Burgos. 2-1, 90. min: Berrocal.
Epailea: Adrian Cordero. Txartel horia atera die Juande, Burgoa, N´diaye, Rahmani eta Matheus jokalariei.
Zure interesekoa izan daiteke
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.
Altonagaren golak garaipena eman dio Eibarri Logroñon (0-1)
Eibarrek 0-1 gainditu du Logroño F Moeve Ligako 13. jardunaldian. Arene Altonagak sartu du armaginei garaipena eman dien gola.
Pontevedra-Eibar Errege Kopako norgehiagokaren laburpena (0-3)
Eibarrek partida serioa egin du Pontevedran eta Errege Kopako final-hamaseirenetarako sailkapena lortu du. Javi Martonek, Corpasek eta Magunazelaiak egin dituzte Beñat San Joseren taldearen golak.
Eibarrek partida serio eta eraginkorra egin du Pontevedran, Kopan sailkapena lortzeko (0-3)
Javi Martonek, Corpasek eta Magunazelaiak egin dituzte Beñat San Joseren taldearen golak. Galiziako futbol-zelaiaren baldintzetara egokitzen jakin dute armaginek.
Eibarrek jipoia jaso du Santanderren (4-0)
Armaginak ez dira Racingen maila berdintzeko gai izan, eta jaitsiera postuetan jarraitzen dute.
Eibarrek denboraldiko kontuak onartu ditu botoen % 88,2rekin
Batzarrean 899 akziodun izan dira, aurrez aurre edo telematikoki parte hartu dutenak. Horiek 16.463 akzio ordezkatu dituzte, hau da, % 35,6.
Eibarrek Zaragoza azken sailkatuaren aurka galdu du Ipuruan (1-2)
Armaginak aurreratu dira markagailuan, Peru Nolaskoainek sartutako golari esker, baina Zaragozak emaitza irauli du, 27. minututik jokalari bat gutxiagorekin aritu bada ere.
Eibarrek puntu bat eskuratu du Sportingen aurka (1-1)
Talde armaginak Molinonen eten nahi zuen etxetik kanpoko bolada txarra, baina 1-1eko emaitzarekin konformatu behar izan du. Partidako golegileak Jose Corpas (Eibar) eta Jonathan Dubasin (Sporting) izan dira, azken hori penaltiz.
Eibarrek penaltiei esker garaitu du Albacete (3-2)
Talde armaginak garaipena behar zuen, eta birritan irauli behar izan du markagailua, baina gaur hiru puntuak etxean geratu dira.
Adu Aresi ebakuntza egingo diote ezker belaunean eta Albaceteren aurkako lehia galduko du
Eibarreko aurrelaria ebakuntza gelara eramango dute ostegun honetan, Donostian, ezker belaunean dituen molestiak tratatzeko.