Eibarrek porrota jaso du Espanyolen aurka, polemikarekin
Eibarrek porrota jaso du Espanyolen aurka (1-0) RCDE Stadiumean jokatu duen Ligako 6. jardunaldiko partida. Neurketa parekatua izan da, eta Mario Hermosok sartutako gol batek erabaki du.
Erritmo biziarekin hasi da partida eta Eibarrek eman du lehen abisua, baina Bigasen errematea kanpora joan da. Ordutik aurrera Espanyol izan da baloiaren jabe, baina Kataluniako taldeari asko kosta zaio abagune argiak sortzea. Neurketako 10. minutuan izan du lehen aukera etxeko taldeak, baina Dmitrovic atezainak ondo gelditu du Darderren jaurtiketa indartsua. Eibarren erantzuna 30. minutuan etorri da, Cucurellak gora bidali duen jaurtiketa batekin. Atsedenaldira iritsi orduko, Orellanak gutxigatik huts egin du area barrutik egin duen jaurtiketa.
Bigarren zatiaren hasieran Eibarrek abagune ederra izan du, baina Diego Lopez atezainak erantzun bikaina eman dio Marc Cardonaren jaurtiketari, armaginen gola eragotzita. Espanyolen erantzuna azkar etorri da, kanpora joan den jaurtiketa batekin. Partidako 54. minutuan, Sergio Garcia area barruan sartu da, eta Bigasek baloia lapurtu dio errematea egitera joan denean. Parekotasuna izan da nagusi RCDE Stadiumeko berdegunean. Hala ere, 68. minutuan Mario Hermosok gola sartu du Espanyolentzat (1-0), korner baten ondorioz etorri den erdiraketa, buruz sare barrura bidalita. Jokalari armaginek protesta egin diote epaileari kornerra beharrean Eibarren aldeko ateko sakea dela esanez, baina gola balekotzat eman du.
Gola jaso ostean, Mendilibarrek zuzentzen duen taldea saiatu da berdinketaren bila jotzen, baina ezin izan du abagune askorik sortu. Azken minutuetan, Espanyoleko Borja Iglesiasek gola sartzeko aukera argia huts egin du. Luzapenean, penaltia eskatu du Eibarrek, Orellanak ez duelako asmatu errematea egiterakoan, baina ez da ezer egon. Azken jokaldian, Oliveirak gora bidali du errematea eta neurketa Eibarren porrotarekin amaitu da.
Fitxa teknikoa:
1 - RCD Espanyol: Diego Lopez; Rosales, Duarte, Hermoso, Didac; Melendo (Víctor Sanchez, 78. min), Roca, Darder; Baptistao (Hernan Perez, 71. min), Piatti eta Sergio Garcia (Borja Iglesias, 61. min).
0 - SD Eibar: Dmitrovic; Arbilla, Oliveira, Bigas, Cucurella; Sergio Alvarez (Sergi Enrich, 78. min), Jordan; De Blasis, Orellana, Pere Milla (Escalante, 60. min) eta Cardona (Charles, 64. min).
Gola: 1-0, 68. min: Mario Hermoso.
Epailea: Munuera Montero. Txartel horiak atera dizkie Sergio Garciari (25. min), Baptistaori (60. min) eta Bigasi (74. min).
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.