Eibarrek galdu egin du Ligako debutean Huescaren aurka
Eibarrek galdu egin du 2018/19ko denboraldiko 1. jardunaldian, Lehen Mailara igo berri den Huescaren kontra (1-2).
Alex Gallarren bi golek eman diete garaipena aragoiarrei Ipuruan. Armaginek, aldiz, azken ordu laurdenean baino ez dute arriskurik sortu.
Huescak Lehen Mailan sartu dituen lehen golak Gallarrek egin ditu, aurreko denboraldian Lugon 1. mailara igotzeko azken garaipena eman zion golaren egileak.
Eibarrek laster eman du lehenengoa abisua. Jordan izan da, Orellanaren pase baten ostean. Gero, Huescak lehenengo geldiketa egin du Ligan, 3. minutuan.
Baina gidoia aldatu egin da, eta Gallarren banakako jokaldi batek aurretik jarri du Huesca. Aurkariak atzean utzi ostean, Dimitrovic gainditu du.
Serbiarrari esker ez du sartu 'Chucho' Hernandezek bigarren gola, eta armaginak ez dira arriskua sortzeko gai izan, Leo Francoren taldeak bezala.
Eibarren akats baten ondorioz heldu da Huescaren bigarrena. Gallarrek falta jaurti du, ez du inork aldaratu, ezta errematatu ere, baina baloia ate barrura sartu da.
Atsedenaldiaren ostean, neurketak bide beretik jarraitu du.
Armaginek aurkaria estutu dute. Gonzalo Escalantek Eibar suspertu du, eta, gainera, gola eginda, aldea murriztu du 69. minutuan.
Horrek Eibar hauspotu du, baina Huescak hirugarrena egiteko aukera izan du, 75. minutuan. Chuchoren baloia, baina, kanpora joan da.
FITXA TEKNIKOA
Eibar: Dmitrovic; Peña, Arbilla (Bigas, 78. min), Paulo, Cote; Orellana, Diop, Jordan, Bebe (Escalante, 55. min), Enrich eta Kike Garcia (Charles, 46. min).
Huesca: Werner; Miramon, Etxeita, Jorge Pulido, Luisinho; Moi, Melero, Damián (David Ferreiro, 89. min), Gallar (Ávila, 69. min); Longo eta 'Cucho' Hernández (Semedo, 76. min).
Golak: 0-1, 5. min: Gallar. 0-2, 40. min: Gallar. 1-2, 69. min: Escalante.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.