Bolada ezin hobean dabilen Eibar Atleticori lehen aldiz irabazten saiatuko da
Ipurua futbol-zelaiak futbol-lehia oso interesgarria hartuko du larunbat honetan, 18:30ean; izan ere, aurrez aurre arituko dira txapelketako talde sasoikoena, Eibar, eta beti lehiakor agertzen den Atletico Madril taldea.
Eibarrek inoiz izan duen bolada paregabeak (zazpi partida jarraian galdu gabe, hiru garaipen bata bestearen atzetik txapelketan eta etxean jarraian lau neurketa irabazita) talde zuri-gorriaren Liga irabazteko asmoei azterketa jarriko die. Madrildarrak liderra den Bartzelonarengandik bederatzi puntura daude, eta txapelketan jokatu dituzten azken sei neurketetatik bost irabazi dituzte.
Hala, Eibar Lehen Mailara iritsi zenetik bizi izan duen unerik gozoenean dago, lehian izan dituen azken 21 puntuetatik 19 eskuratu ostean, eta bere xedea garbia da: lehiaketa horretan Atletico Madrilen aurka estreinakoz punturen bat lortzea, eta, ahal izanez gero, irabaztea.
Diego Simeonek zuzentzen duen taldeari sustoren bat emateko une egokirik izatekotan, hauxe da, Mendilibarrek bere aginduetara baititu bere jokalari gehienak. Jardunaldi honetarako bajarik esanguratsuena erdiko defentsa lanetan lan aparta egiten ari den Anaitz Arbillarena izango da, bost txartel pilatu dituelako. Aipatu hutsunea denbora luzez lesionatuta dauden Fran Rico, Pedro Leon eta Yoelen bajei gehitu behar zaie.
Gainontzean, zaila da pentsatzea Mendilibarrek asko aldatuko duenik taldea, bere jokalariek azken jardunaldietan erakusten ari diren maila kontuan hartuta.
Charlesek lekua kendu dio Kike Garciari aurrelari lanetan hasierako hamaikakoan; aitzitik, ikusi beharko da nork hartuko duen Arbillaren lekua hasieratik: Ramisek ala Lombanek.
Bere aldetik, Simeonek ere hainbat jokalari garrantzitsuren hutsuneak izango ditu larunbatean: Diego Costak, adibidez, ezin izango du jokatu, aurreko neurketan txartel gorria atera ziotelako. Gabi Fernandez eta Stefan Savic ere ez dira Ipuruan izango txartel-pilaketa dela medio. Filipe Luisi dagokionez, lesionatuta jarraitzen du.
Balizko hamaikakoak:
Eibar: Dmitrovic; Capa, Paulo, Ramis, Cote; Dani García, Jordán, Alejo, Enrich, Inui; Charles.
Atletico Madril: Oblak; Vrsaljko, Giménez, Godín, Lucas; Correa, Thomas, Saúl, Koke; Griezmann, Gameiro.
Epailea: Mateu Lahoz.
Zelaia: Ipurua.
Ordutegia: 18:30
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.