Eibarrek puntu bat urratu du Levanteren aurka
Eibarrek bina (2-2) berdindu du Levanteren aurka Ipuruan. 0-2 galtzen hasi da talde armagina, baina bigarren zatian neurketa berdintzea lortu du, eta garaipena lortzeko abaguneak ere izan ditu.
Partidako lehen minutuetan Eibar erasokor zelairatu da, eta lehen abisua eman du Oliveirak gora bidali duen erremate batekin. Ondorengo minutuetan, etxeko taldea izan da baloiaren jabe, baina abagune argirik sortru gabe. Pixkanaka, Levante bere areatik irtetzen hasi da, eta talde bisitariak sortu duen lehen abagune argian, Moralesek 0-1ekoa sartu du Dmitrovic atezaina gaindituta. Golaren ostean Levante nagusitu da, eta bigarren gola azkar sartu du; Moralesek jokaldi ona egin du hegaletik, pasea eman eta area barruan, Bardhik sare barrura bidali du jaurtiketa (0-2). Armaginak saiatu dira aldeak murrizten atsedenaldira iritsi baino lehen, baina ezin izan dute lortu.
Bigarren zatian, askoz hobeto jokatu du Eibarrek eta saria jaso du 51. minutuan Arbillak faltaz sartutako gol ikusgarri bati esker (1-2). Gola sartu ostean, erabat nagusi izan da Jose Luis Mendilibarrek zuzentzen duen taldea. Levante atzean sartuta egon da, eta Eibarrek ez zuen asmatzen aurkariaren ate aurrean. Armaginen ekinak, ordea, saria jaso du, eta Charlesek binakoa (2-2) sartu du, 73. minutuan. Gainera, azken txanpan, Eibarrek garaipenaren bila jo du, eta amaierarako lau minutu falta zirenean Raul atezainak Eibarren hirugarren gola eragotzi du, Enrichen errematea desbideratuta.
Fitxa teknikoa:
2 - Eibar: Dmitrovic; Arbilla, Paulo, Lomban, Cote (min. 73 Juncá); Dani Garcia, Escalante; Capa, Enrich (Bebe, min. 88), Inui; Kike Garcia (Charles, min. 59).
2 - Levante: Raul; Pedro Lopez, Lerma, Postigo, Luna; Ivi (Shaq, min 71), Campaña, Bardhi (Doucure, min 88) Morales; Chema, Alegria (Boateng, min21).
Golak: 0-1, min 34. Morales. 0-2, min. 37 Bardhi. 1-2 Arbilla, min 51. 2-2, nim 73. Charles.
Epailea: Alberola Rojas.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.