Ander Capa, Eibar-Barakaldo partidako protagonista (4-0)
Ander Capa izan da protagonista nagusia asteazkenean Eibar-Barakaldo lagunartekoan, bi gol sartuta. 4-0 irabazi zuten Mendilibarren gizonek denboraldi-aurreko bigarren partidan, eta bigarren zatian erabaki zuten; izan ere, atsedenaren ostean egin zituzten armaginek lau golak. Nano Mesak eta Sergi Enrichek biribildu zuten emaitza.
Jose Luis Mendilibarrek talde osoa aldatu zuen bigarren zatian. Lehenengoan, Eibarrek kontrolpean izan zuen jokoa, eta partida menderatu zuen. Barakaldo gai izan zen atsedenaldira arte markagailuari eusteko, baina 55. minutuan lehen gola sartu zuen Nanok, eta partida guztiz aldatu zen. Handik gutxira, 2-0ekoa jarri zuen Capak areatik kanpoko jaurtiketa baten bidez, eta azken minutuetan egin zituzten beste bi golak Enrichek eta Capak berak.
Ipuruako taldearen hasierako hamaikakoa honakoa izan zen: Riesgo, atean; Arbilla, Amelibia, Junca eta Elgezabal, atzealdean; Alejo, Sarriegi, Bebe eta Peña, zelaiaren erdian; eta Dani Garcia eta Kike Garcia, erasoan. Bigarren zatian, hauek zelairatu zituen Mendilibarrek: Dimitrovic, Calavera, Galvez, Paulo Oliveira, Cote, Escalante, Joan Jorda, Inui, Enrich, Capa eta Nano.
.Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.