Eibarrek porrota jaso du Atletico Madrilen aurka
Eibarrek porrota jaso du Atletico Madrilen aurka (1-0) Vicente Calderon zelaian eta Gipuzkoako taldea Europako postuetan sartzeko aukerarik gabe geratu da. Gainera, ezinezkoa du zazpigarren postua eskuratzea.
Armaginek erasokor ekin diote partidari eta Oblak atezainaren ate ingurura arriskua eraman du hasierako minutuetan. Ondorioz, 8. minutuan abagune handia izan du Eibarrek, baina Oblakek erantzun bikaina eman dio Inuiren jaurtiketari. Lehen hamabost minutuetan nagusi izan da Eibar, baina ordutik aurrera Atletico Madril izan da baloiaren jabe. Koltxoneroek abagune bikaina izan dute 18. minutuan; Kokek, ordea, kanpora bidali du jaurtiketa. Norgehiagokako 32. minutuan Carrascok gola sartzeko aukera paregabea izan du, eta lehen zatiko azken minutuan Saul Ñiguezek gola barkatu du erremate eroso bat langa gainetik kanpora bidalita.
Bigarren zatia hasi eta lasterrean Eibarrek markagailuan aurrea hartzeko aukera izan du, baina Pedro Leonek ez du Oblak gainditzea lortu. Atletico Madrilen erantzuna 54. minutuan etorri da; Yoel atezainak koltxoneroen gola eragotzi du Filipe Luisen errematea geldituta. Griezmannek ere izan du gola sartzeko abagunea 62. minutuan, baina Yoelek jaurtiketa harrapatu du. Minutuak aurrera joan ahala Simeonek zuzentzen duen taldea nagusitzen hasi da, eta nagusitasun horrek saria jaso du Saulek sartutako golarekin (1-0), 68. minutuan. Jokaldi bikaina egin du talde koltxoneroak, Saul Ñiguezek area kanpoan jaso du baloia eta gol bikaina sartu du. Golak min egin dio Eibarri, baina Armaginek berdinketa lortzeko abaguneak izan dituzte azken minutuetan. 90. minutuan Eibarrek estuasunetan jarri du Atletico, baina Godinek arriskua aldendu du. Uruguayko defentsak bigarren txartel horia ikusi du, eta egotzia izan da luzapenean. Partida amaitu orduko, armaginek beste abgune bat izan dute; Tiagok, ordea, atepetik atera du baloia eta Atletico Madrilek eskuratu ditu hiru puntuak.
Fitxa teknikoa:
Atletico Madril: Oblak; Thomas, Godín, Lucas, Filipe; Saul, Koke, Gabi, Gaitan (Torres, min.46); Carrasco (Tiago, min.80) eta Griezmann (Correa, min.86).
Eibar: Yoel; Arbilla, Lejeune, Ramis (Galvez, min.59), Junca; Pedro Leon, Dani García, Escalante, Inui (Peña, min.76); Kike Garcia (Adrian, min.84) eta Sergi Enrich.
Gola: 1-0, min.69, Saul Ñiguez.
Epailea: Fernandez Borbalan.
andez Borbalan.Zure interesekoa izan daiteke
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.