Eibarrek porrot mingarria jaso du Betisen aurka
Eibarrek porrota jaso du Betisen aurka (2-0) Benito Villamarin zelaian eta Europa Ligako postuetan den Athleticek baino hiru puntu gutxiago ditu. Zuri-gorrien aurka jokatuko dute hurrengo jardunaldian eta Lejeuneren baja izango dute bosgarren txartel horia ikusi eta partida bateko zigorra bete beharko baitu.
Norgehiagoka azkar jarri zaio maldan gora Eibarri, 2. minutuan Betisek 1-0ekoa sartu baitu Jonas Martinen bitartez. Rafa Navarrok erdiraketa ona atera eta Jonasek buruz erremate bikaina egin du. Lehen golaren ostean Betis nagusi izan da, baina 15. minutuan armaginek berdinketa lortzeko abagunea izan dute; Pedro Leonek kornerra atera eta Ramisen errematea gutxigatik kanpora joan da. Ondoren, abagune gabeko minutuak bizi izan ditu partidak eta 34. minutuan Pedro Leonek jaurtiketa ona egin du, baina ez du atera asmatu. Betisek bigarren gola sartzeko aukera izan du atsedenaldira iristi aurretik; Joaquinek, ordea, barkatu egin du Yoel atezainaren aurrean. Ramis lesionatu egin da lehen zatian eta Galvezek ordezkatu du.
Bigarren zatirako Inui zelairatu du Jose Luis Mendilibar entrenatzaileak Beberen ordez. Neurketako bigarren 45 minutuak oso kaskarrak izan dira, eta oso abagune gutxikoak. 70. minutuan Galvezek abagune argia izan du, baina Adan atezainak armaginen gola eragotzi du gelditu paregabea eginda. Hamar mnutu beranduago Pedro Leon ez da Inuriren erdiraketa errematatzera iritsi eta 85. minutuan Eibarreko jokalariek Pedro Leoni egindako penaltia eskatu dute. Partida ameiran, ordea, jokalari murtziarrak baieztatu du ez diotela penaltirik egin. Norgehiagoka amaitzear izan denean, 89. minutuan, Ceballosek neurketa erabakita utzi du 2-0ekoa sartuta.
Fitxa teknikoa:
2 - Betis: Adan; Rafa Navarro, Bruno, Pezzella, Tosca, Durmisi; Ruben Pardo (Petros, m.84), Brasanac, Jonas Martin (Dani Ceballos, m.62); Joaquin (Donk, m.73) eta Alex Alegria.
0 - Eibar: Yoel; Capa, Ramis (Galvez, m.26), Lejeune, Luna; Pedro Leon, Escalante (Rivera, m.63), Dani Garcia, Bebe (Inui, m.46), Kike Garcia eta Sergi Enrich.
Golak: 1-0, M.01: Jonas Martin. 2-0, M.89: Dani Ceballos.
Epailea: Antonio Miguel Mateu Lahoz.
Lahoz.
Zure interesekoa izan daiteke
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.