Eibarrek porrota jaso du Sevillaren aurka
Eibarrek porrota jaso du Sevillaren aurka (2-0) Sanchez Pizjuan zelaian LaLigako 23. jardunaldiko partidan. Armaginek norgehiagoka ona jokatu dute, baina Andaluziako taldea nagusi izan da jokoan eta aurkariaren ate aurrean.
Sevilla izan da baloiaren jabe lehen zatian, baina partidako lehen abagunea Eibarrek izan du; Lejeunek buruz egin duen errematea, ordea, Sergio Rico atezainak harrapatu du. Hurrengo jokaldian Sevillak erantzun du 'Mudo' Vazquezek kanpora bidali duen erremate baten bitartez. Ondorengo minutuetan bi taldeetako bat ere ez da gai izan abagune argiak sortzeko. Sevillak baloi-jabetza izan du abagune argiegirik sortu gabe, baina 30. minutuan gola sartu du Andaluziako taldeak; Ben Yedderrek eta Joveticek jokaldi onea egin dute, Montenegrokoak erdiraketa ona egin eta Sarabiak sare barrura bidali du jaurtiketa (1-0). Gola jaso ostean Eibarrek berdinketa lortzeko aukera izan du, baina Sergio Rico atezainak ondo desbideratu du Ruben Peñaren jaurtiketa.
Bigarren zatiaren hasieran bi abisu eman ditu Eibarrek; Enrichen burukada Sergio Ricok harrapatu du, eta Adrianen jaurtiketa oso gutxigatik kanpora joan da N'Zonzik egindako huts baten ostean. Sevillak ez du erantzun 70. minutura arte. Vitolok kanpora bidali du jaurtiketa Yoel atezainaren aurrean eta Eibarreko atezainak andaluziarren gola eragotzi du 76. minutuan N’Zonziren erremateari erantzun bikaina emanda. Armaginak berdinketa lortzetik gertu egon dira Lunak egin duen erdiraketa baten eraginez eta Pedro Leonek langa gainetik bidali du falta jaurtiketa bat. Partidako 90. minutuan Vitolok 2-0ekoa sartu eta neurketa guztiz erabakita utzi du.
Fitxa teknikoa:
2 - Sevilla: Sergio Rico; Mercado (Mariano, m.46), Rami, Lenglet, Escudero; N'Zonzi, Franco Vazquez; Sarabia, Nasri (Kranevitter, m.70), Jovetic; eta Ben Yedder (Vitolo, m.59).
0 - Eibar: Yoel; Capa, Mauro Dos Santos, Lejeune, Arbilla (Luna, m.66); Escalante, Fran Rico; Pedro Leon, Adrian (Bebe, m.66), Rubén Peña (Nano, m.82); eta Sergi Enrich.
Golak: 1-0, M.31: Sarabia. 2-0, M.91: Vitolo.
Epailea: Alfonso Javier Alvarez Izquierdo.
arez Izquierdo.Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.