Eibarrek merezitako garaipena lortu du Celtaren aurka
Eibarrek 1-0 irabazi dio Celtari Ipuruan eta hiru puntu garrantzitsu eskuratu ditu Jose Luis Mendilibarrek zuzentzen duen taldeak. 12 jardunalditan 18 puntu eskuratu ditu Eibarrek eta sailkapenaren goialdean da.
Talde armagina nagusi izan da lehen zatian eta Celtak baino askoz hobeto jokatu du. Hirugarren minutuan etorri da etxeko taldearen lehen abagunea; Adrianek pasea eman dio Enrichi eta Eibarreko aurrelariaren errematea Ruben Blanco atezainak desbideratu du. Bederatzigarren minutuan, ordea, Eibarrek merezitako saria jaso du, hau da, gola. Sergi Enrichek erdiraketa ona atera du eskuin hegaletik, Adrianek errematea langara bidali eta aldaratzean sare barrura errematatu du Fran Ricok, 1-0ekoa sartuta. Gola sartu ostean bigarrena lortzeko abagune argiak izan ditu Mendilibarrek zuzentzen duen taldeak, baina ez da fin ibili Ruben Blancok defendatutako ate aurrean. Celtak abagune bakarra izan du lehen 45 minutuetan Señeren jaurtiketa baten bitartez, baina Riesgo atezainak arazorik gabe gelditu du baloia. Partidako 25. minutuan Inuik bigarren gola sartzeko aukera izan du, baina Ruben Blancok eragotzi du japoniarraren gola.
Bigarren zatia hasi bezain laster Adrian Gonzalezek urrutitik jaurtiketa bikaina atera eta baloia kanpora joan da, langa jo ostean. Adrianek berak beste abagune on bat izan du Enrichen pase dotore bat jasota, baina bere erremateak Ruben atezainarengan jo eta kanpora joan da. 60. minututik aurrera hasi da Celta erasora jotzen eta arriskua eraman du Riesgo atezainak defendatutako ate ingurura, baina ez du abagune argirik izan. Norgehiagokako 76. minutuan Riesgok Bongondari egindako penaltia eskatu du Celtak, baina epaileak ez du ezer adierazi. Bost minutu beranduago Adrianek beste erremate bat bidali du langara Ruben Blanco atezainak ukitu ostean. Azken minutuetan ez da asko jokatu eta Eibarrek ez du arazorik izan hiru puntuekin geratzeko.
Fitxa teknikoa:
1 SD Eibar: Riesgo; Arbilla, Ramis (Galvez, m. 82), Lejeune, Antonio Luna; Fran Rico, Dani Garcia; Pedro Leon (Escalante, m. 70), Adrian, Inui (Rubén Peña, m. 62); eta Sergi Enrich.
0 RC Celta: Ruben; Roncaglia, Sergi Gómez, Fontas, Planas (Guidetti, m. 74); Hugo Mallo, Radoja; Señe (Pione Sisto, m. 67), Was (Pablo Hernandez, m. 52), Bongonda; eta Rossi.
Gola: 1-0. m. 8. Fran Rico.
Epailea: José Luis Munuera Montero.
p>Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.