Athleticek sufritu egin du Betis San Mamesen mendean hartzeko (2-1)
Dani Vivianek eta Oihan Sancetek egin dituzte bilbotarren golak, eta Fornalsek aldea murriztu du amaierarako ordu erdiren faltan.
Athleticek garaipen garrantzitsua lortu du Betisen aurka San Mamesen jokatu den EA Sports Ligako 29. jardunaldiko partidan. Vivian, Sancet eta Fornals izan dira neurketako golegileak.
Zuri-gorriek bizi hasi dute partida eta Laportek eta Sancetek arriskua sortu dute lehen minutuetan, Pau Lopezek babestutako atearen inguruan.
Andaluziarrak, berriz, kontraerasoan jokatzen saiatu dira, baina eraginkortasunik gabe.
11. minutuan, Yuri urrutitik saiatu da, baina jaurtiketa gehiegi gurutzatu du eta baloia kanpora joan da, zutoinetik oso gertu.
Lehoien gola 25. minutuan iritsi da, erasoko jokaldi luze batean. Azken errematea Dani Vivianek egin du, Iñaki Williamsen pasea aprobetxatuta. Erdiko atzelariak aurtengo denboraldian egin duen lehen gola da.
Bigarren gola atsedenaldiaren atarian egin dute bilbotarrek. Hasiera batean, epaileak baliorik gabe utzi du, Sancet golegilea jokoz kanpo egon dela pentsatuta, baina VARetik gola arauzkoa dela esan diote, eta bizkaitarrak 2 eta 0 aurretik joan dira atsedenaldira.
Bigarren zatia hasteko, Pellegrinik hiru aldaketa egin ditu. Valverdek, bat ere ez.
54. minutuan, hirugarrena gertu izan dute bilbotarrek Berenguerrek egindako jaurtiketa batean, Sancetek pasea emanda, baina andaluziarren atezainak baloia kornerrera desbideratu du.
Ondoren, Betisek izan du aukera, Abderen bidez, baina bere jaurtiketari erantzun ona eman dio Unai Simonek.
Hurrengo aukeran ez dute huts egin. Fornalsek falta bat jaurti du zuzenean eta baloia bilbotarren atean sartu du.
Minutu bat geroago, Bakambuk Athleticen atea zulatu du, baina epaileak baliorik gabe utzi du gola, jokoz kanpoko posizioagatik.
Azkenean, hiru puntuak Bilbon geratu dira, sufrituta bada ere. Lehoiek orain 38 puntu dituzte, eta hiru puntura dute Celtaren seigarren postua..
Zure interesekoa izan daiteke
Sancet: "Gaurko hiru puntuekin gorantz begiratu behar dugu"
Oihan Sancet Athleticeko jokalariaren adierazpenak, Betisen aurka 2-1 irabazi ostean, EA Sports Ligako 29. jardunaldiko partidan.
Athleticek jipoia hartu du Bartzelona liderraren etxean (7-1)
Zuri-gorriek porrot argia jaso dute F Moeve Ligako 23. jardunaldiko partidan. Atsedenaldirako, bilbotarrak 4-0 izan dira atzetik. Daniela Agotek egin du bizkaitarren gol bakarra.
Valverdek, bere agurrari buruz: "Aspalditik hausnartutako erabakia da"
Betisen bisita jaso aurreko prentsaurrekoan, atzo Ernesto Valverdek denboraldi amaieran Athleticeko aulkia utziko duela baieztatu ostean, gaur lehen azalpenak eman ditu.
Andoni Iraola: "Ernestok bere erabakia hartu du, baina horrek ez dit niri eragiten"
Athleticeko jokalari ohia eta Bournemouth taldeko egungo entrenatzailea da Valverde ordezkatzeko hautagai nagusia.
Valverdek Athletic utziko du denboraldi honen amaieran
Entrenatzaileak 10 denboraldi eman ditu talde zuri-gorrian, hiru etapan banatuta.
FIFAko ordezkari teknikoak San Mamesen izan dira, 2030eko Munduko Txapelketari begira
Teknikariak, Bilboko futbol zelaian, egiaztatu dute Munduko Kopako partidak jasotzeko baldintzak betetzen dituela.
Manuel Gonzalez Etura Athleticeko jokalari ohia zendu da, 93 urte zituela
Athleticek besoko beltza eramango du haren omenez igandean, Betisen aurka. Hileta elizkizuna Deustuko San Felicisimo parrokian izango da, astelehenean, 19:00etan.
Iñigo Lekue: "42 puntu lortzea da epe laburrean dugun helburua"
Iñigo Lekue Athleticeko jokalariak prentsaurrekoa egin du, taldearen egoera, etorkizuna eta denboraldi honetako helburuak aztertzeko.
Iñaki Williams, Ghanako deialdian, Munduko Txapelketaren aurreko azken zerrendan
Talde afrikarrak Austria bisitatuko du, Vienan, datorren ostiralean, hilak 27, eta Alemania, Stuttgarten, astelehenean, hilak 30.