Athleticek galdu egin du Getaferen aurka, partida oso kaskarra eginda (0-1)
Athleticek 0-1 galdu du Getaferen aurka larunbat honetan San Mamesen jokatu den EA Sports Ligako 10. jardunaldiko partida. Mayoralek sartu du partidako gol bakarra, lehoien partida gris batean.
Lehen zatian, talde zuri-gorria noraezean ibili da, oso gris eta joko onik gabe, eta Madrilgo taldeak estutasun handirik gabe kontrolatu du partida. Etxekoen arintasun faltak eta bisitarien sakontasun eskasak lehen zati tristea eta nabarmentzeko moduko aukerarik gabea utzi dute.
Azpimarragarriena Guruzetak 48. minutuan egindako jaurtiketa bat izan da, David Soriak urrundu duena. Gainera, Iñigo Lekuek zelaia utzi behar izan du, min hartuta, eta Jesus Aresok ordezkatu du.
Bigarren zatia hasi eta berehala, Nico, Sancet eta Guruzetaren arteko jokaldi on bat aurrelariaren jaurtiketarekin amaitu da, baina baloia kanpora joan da. Hortik aurrera, partidak gidoi berari jarraitu dio, eta Getafe agintari jarri da berriro.
75. minutuan, Getafek baloia lapurtu du, eta kontraeraso ona burututa ireki du markagailua. Unai Simonek lehen errematea gelditu du, baina ezin izan du ezer egin Mayoralena gelditzeko, bakar-bakarrik zegoela egin baitu gola (0-1).
Athletic azken unera arte borrokatu da, baina ezin izan du ezer egin, eta porrotarekin itxi du ahazteko moduko urria.
Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.