Yerayk iragarri du positibo eman zuela dopin kontrol batean, Athletic-Manchester partidaren ostean
Yeray Alvarez Athleticeko erdiko atzelariak iragarri du positibo eman zuela dopin kontrol batean, 2024-25 denboraldiko Europa Ligako finalerdietako Athletic-Manchester United partidaren ostean. Yerayk sare sozialen bidez azaldu du nola hartu zuen, "nahi gabe, ilea erortzearen aurkako sendagai prebentibo batean, debekatutako substantzia bat". Athleticek "Yerayren giza akatsa deitoratu du", eta "babes osoa" agertu dio.
Ostegun arratsaldean jakin da horren berri, Athleticeko futbolariak berak honakoa zabaldu duenean: "Duela aste batzuk jakinarazi zidaten positibo eman nuela, UEFAk egindako doping-kontrol batean; hain zuzen ere, Europa Ligako finalerdietako joaneko partidaren ostean, Manchester Uniteden aurka jokatuta. Hori jasotzea kolpe oso latza izan zen, eta, benetan, ezin nuen sinetsi, kontuan izanik inoiz ez dudala kontsumitu debekatutako substantziarik".
Atzelari barakaldarrak xehetasun gehiago eman ditu, 2017an izan zuen minbizia zuzenean aipatu gabe, honela esanez: "Nire gaixotasuna gainditu nuenetik, alopeziaren aurkako tratamendu batekin nabil, eta, kasua aztertuta, baieztatu dugu positiboa gertatu zela hartu nuelako, nahi gabe, ilea erortzearen aurkako sendagai prebentibo batean, debekatuta dagoen substantzia bat".
Yerayren hitzetan, "diziplinazko prozedura instrukzio fasean dago, eta konfideltzialtasuna du; hortaz, behin-behinean, zigortuta nago, eta ezin dut beste adierazpen publikorik egin".
Jokalaria zaleei zuzendu zaie: "Esan nahi dizuet, zuoi guztioi, asko deitoratzen dudala egoera hau, baina, klubak lagunduta, nire defentsan nabil lanean, konbentzituta ahalik eta lasterren bueltatuko naizela berdeguneetara. Prozedura amaitutakoan, beharrezko azalpen guztiak emango ditut".
Amaitzeko, erdiko atzelariak eskerrak eman dizkio Athletici, "bere babesagatik, hasieratik", eta adierazi du konfiantza duela "kirol justizian eta erakundeetan".
Athleticek babesa agertu dio
Yerayk sare sozialen bidez hitz egin eta gero, Athleticek honako hau zabaldu du, jokalariak egindako "giza akatsa" hizpide hartuta: "Yerayk berak adierazi duen bezala, prozedura instrukzio fasean eta konfidentzialtasunari lotuta dago, eta, beraz, klubak ez du gai horri buruzko adierazpen publiko gehigarririk egiteko baimenik. Prozesua amaitutakoan, Yeray Alvarezek eta Athleticek beharrezko azalpen guztiak eskainiko dituzte". Bizkaiko klubak berretsi du "erabateko babesa" adierazi nahi diola Yeray Alvarezi, "eta erabateko konfiantza" duela "auzia konpontzeko ardura duten organoengan".
Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.