Iraia Iturregik Athletic utzi du, klubean bi hamarkada baino gehiago eman ostean
Iraia Iturregik Athletic uztea erabaki du, klubean bi hamarkada baino gehiago eman ostean. Orain, erronka profesional berri bati ekingo dio, Lezamatik kanpo.
Jokalari ohia eta duela urte batzuetatik hona entrenatzailea, Basconiako talde teknikoan egon da azken bi denboraldietan. Gainera, gizonezkoen hirugarren taldearekin Bigarren RFEF mailara igotzea lortu du.
Bi hamarkada baino gehiago eman ditu klubean, eta aitzindaria izan da. Athleticen emakumezkoen lehen taldea zuzendu duen lehen emakumea izan da. Horrez gain, eta Bilboko klubaren gizonezkoen talde bateko lantalde teknikoaren barruan egon den lehen emakumea ere bada.
Futbolari gisa, 402 partida (hirugarrena historian) jokatu zituen talde zuri-gorriarekin. Ondoren, Iturregik 87 partidatan zuzendu zituen lehoiak. 2016an erretiroa hartu aurretik, Loiukoak (Bizkaia) entrenatzaile izateko prestakuntzari ekin zion, eta emakumezkoen kimu eta haurren mailetako jokalarien harreran eta teknifikazioan lan egin zuen. Geroago, beste kategoria batzuetako taldeak zuzendu zituen, eta lehen taldearen prestatzaile fisikoa izan zen 2018-2019 denboraldian. 2021eko urtarrilean, bigarren taldea zuzendu ostean, lehen taldeko entrenatzaile kargua hartu zuen. 2023an Basconiaren talde teknikora pasa zen-
Athleticek eskerrak eman dizkio Iraia Iturregiri klubean eman dituen urte guztietan erakutsi duen proesionaltasunagatik. Gainera, klubak onena opatu dio erronka berrietarako.
Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.