Athleticek luzapenean galdu du Atletico Madrilen aurka (0-1)
Athleticek 0-1 galdu du Atletico Madrilen aurka San Mamesen jokatu den EA Sports Ligako laugarren jardunaldian. Lehoiak izan dira nagusi, batez ere, bigarren zatian, baina Correak luzapenean sartutako golak porrotarekin zigortu ditu.
Partida oso parekatuta hasi da, zelai erdiko protagonismoarekin eta bi taldeek aurkariaren areara iristeko zailtasunekin. Lehen sustoa Madrilgo taldeak eman du, euskaldunen defentsaren despiste batek Julian Alvarez Agirrezabalaren aurka bakarrik utzi duenean, nahiz eta Yurik ekintza hori zapuztu zuen.
Abagune gutxiko lehen zatia izan da, erasoan eraginkortasun gutxikoa. Athletic hegaletik min egiten saiatu da Williams anaien abiadurarekin, baina aurkariaren bosten defentsek barnekaldi bakoitza gelditu dute. Yuri Berchiche eskuadraren bila aritu da aldaratze bat jaso duenean, baina jaurtiketa gora joan zaio.
Bigarren zatia hasi eta berehala, lehoiek jokaldi bikaina lotu dute taldean, eta Nicoren golarekin bukatu da, baina epaileak baliorik gabe utzi du, jokoz kanpo zegoelako.
Herrera ere golaren bila ibili da jaurtiketa zuzen batekin, Athleticen lapurreta on baten ostean, baina kanpora joan zaio. Ondoren Sancet izan da aukera izan duena, baina Mussok saihestu egin du geldiketa on batekin.
Gallagher amesgaiztoa izan da euskaldunentzat partida osoan zehar, eta bere botoetatik iritsi dira Atleticoren aukera gehienak.
Valverdek Vesga, Djalo, Jaureguizar, Berenguer eta Unai Gomez zelairatu ditu freskotasuna bilatzeko, Herrera, Prados, Guruzeta, Iñaki Williams eta Sancet kenduz.
Athletic nagusi izan da bigarren zatian eta aurkariaren area zelatatu du, baina horrela ere ez du gola aurkitzea lortu.
Luzapenean, Sorlothek baloia lapurtu du eta Correari luze pasatu dio garaipenaren gola sartzeko (0-1). Sorlothek bigarren gola sartzeko aukera izan du, baina Agirrezabalak ondo eutsi dio jaurtiketa gelditzeko.
Fitxa teknikoa:
0.- Athletic Club: Agirrezabala; Lekue, Yeray, Vivian, Yuri; Prados (Vesga, 64. min), Herrera (Jauregizar, 64. min); Iñaki Williams (Berenguer, 71. min), Sancet (Unai Gomez, 81. min), Nico Williams; eta Guruzeta (Djalo, 64. min).
1.- Atletico Madril: Musso; Llorente, Le Normand, Gimenez, Reinildo, Lino (Riquelme, 70. min); Barrios, Koke (Correa, 88. min), Gallagher (De Paul, 70. min); Julian Alvarez (Sorloth, 70. min) eta Griezmann (Giuliano, 83. min).
Gola: 0-1, 92. min: Correa.
Epailea: Alejandro Hernandez Hernandez. Txartel horia atera die Nico Williams, Yeray, Sancet eta Koke jokalariei.
Zure interesekoa izan daiteke
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Aitor Paredes: "Partida honetatik gauza asko ikasi eta hobetu behar ditugu"
Athleticek porrota jaso du Celtaren aurka (2-0), Balaidosen. Zuri-gorriek partida irabazi behar zuten goiko postuetan geratu nahi bazuten, baina ez dute lortu. Aitor Paredesek kontatu diguna, bideo honetan.
Athleticek estropezu egin du Balaidosen (2-0)
Swedberg eta El-Abdellaouiren golek eta Nico Williamsek huts egindako penaltiak Athletic porrotera eraman dute.
Athleticek talentu gazteari esker lortu du garaipena
Athleticek 0-2 irabazi dio Madrid CFFri, Liga F Moeveko 14. jardunaldian, Fernando Torres zelaian jokatutako neurketan. Elene Gurtubayk ireki du markagailua, eta Daniela Agotek sartu du bigarren gola partidako emaitza itxiz. Garaipen honi esker, Athletic sailkapenaren erdialdetik gora kokatu da.
Ernesto Valverde: "Celtak beti sortzen dizkigu arazoak; atera iristea eta zehatzagoak izatea falta zaigu"
Ernesto Valverdek prentsaurrekoa eman du igande honetan jokatuko duen Celtaren aurkako partidari begira. Adierazi duenez, taldea ondo dago, baina partida zaila izango da eta, Laporteren lesioa dela eta, Iker Monrealek jokatuko du. (Bideoa gazteleraz)
Iñigo Ruiz de Galarreta: "Talde guztiaren lanarekin lortu dugu atea hutsean mantentzea"
Ruiz de Galarreta pozik agertu da taldeak egindako lanarekin.
Txapeldunen Ligako seigarren jardunaldiko Athletic-PSG (0-0) neurketaren laburpena
Athleticek eta PSGk golik gabe berdindu dute San Mamesen, Txapeldunen Ligako seigarren jardunaldian, Valverderen taldeak lan bikaina egin du defentsan. Unai Simonek Europako txapelduna geldiarazi du, eta talde zuri-gorriari Europako txapelketa nagusian bizirik mantentzen duen puntu bat eman dio.
Athleticek ederki defendatu eta puntu bat bildu du Europako txapeldunaren aurka (0-0)
Unai Simon ikusgarri batek PSG geldiarazi du San Mamesen, eta, horri esker, talde zuri-gorriak meritu handiko puntua lortu du.
Laportek giharretako lesio "larria" du, eta 2026ra arte ez du berriro jokatuko
Diagnostiko honekin, atzelariak Valverderen taldeari urtea bukatzeko geratzen zaizkion lau neurketak galduko ditu, Txapeldunen Ligakoa PSGren aurka, Ligako biak, Celta eta Espanyolen kontra, eta Kopako kanporaketa Ourenseren aurka.
Yuri Berchiche: ''Niretzat PSGren aurkako partida oso berezia izango da''
"Egin behar dugunaren adibiderik onena Atleticoren aurkako larunbateko partida da. Hori da denok ikusi nahi dugun Athletic. Horrela zelairatzen bagara, partida irabazteko aukera gehiago izango ditugu", azpimarratu du atzelariak San Mamesen eskaini zuen prentsaurrekoan.