Athleticek Almeria menderatu du eta Europako postuetan doa geldialdira (3-0)
Athleticek 3-0 irabazi dio ostiral honetan Almeriari San Mamesen jokatu den EA Sports Ligako bederatzigarren jardunaldiko lehen partidan. Guruzeta, Dani Garcia eta Sancet arduratu dira golak sartzeaz, 'lehoiak' jaun eta jabe izan diren partidan, eta Europako postuetan doaz geldialdira.
Athleticek, Sancet hasierako hamaikakoan zela berriz, presioa egin du goian hasieratik, eta berea izan da jokoaren ekimena eta kontrola. Almeriak, bestalde, jarrera defentsiboagoa hartu du, euskal taldeak eskainiko zienaren zain.
Valverdek azkar xahutu behar izan du lehen aldaketa; izan ere, bost minutura Yeray modu txarrean erori da Konerekin talka egin ostean, eta zelaia utzi behar izan du minez. Paredesek ordezkatu du.
Hala ere, poza San Mamesera itzuli da ia jarraian Guruzetaren golarekin. Etxekoek baloia lapurtu dute kanpotarren defentsaren irteera txar batean, Nico Williamsek hegalean hartu du eta Guruzetari eman dio baloia sarera bultzatzeko (1-0).
Golaren ostean Athletic izan da nagusi zelaian. Almeriari erritmoa falta zitzaion eta 'lehoiek' aurkariaren arean arriskua sortzeko aprobetxatu dute. Herrerak baloia orraztu du korner batean, taldekide bati emateko asmoz, eta ia golean bukatu da, baina zutoinarekin egin du topo.
Athleticek erasoan jarraitu du etengabe Almeriaren aurka eta alde handiagoarekin joan ahal izan da atsedenaldira. Herrerak beste aukera bat izan du De Marcosek utzi dion baloi batean, baina jaurtiketa gora bota du. Sancet ere gola aurkitzeko zorian egon da banakako jokaldi on baten ondoren, baina bere jaurtiketa zutoina urratuz kanpora joan da. Yurik izan du bilbotarren azkena, baina Maximianok ondo atera ditu ukabilak gelditzeko.
Almeria sustoa emateko zorian egon da bigarren zatiaren hasieran, baina talde andaluziarra ez da fin ibili aurrealdean. Iñaki Williamsek eskuinkada batekin erantzun du defentsaren beste galera bat aprobetxatuz, baina gora bota du.
Bilboko taldeak beste hamaika aukera izan ditu eta azkenean Dani Garciak aurkitu du saria, bere lehen gola Athleticekin. De Marcosek eskuinetik erdiratu du bigarren zutoinean aurkitzeko eta, bakarrik, nahi bezala errematatu du (2-0).
Athleticek gehiago nahi zuen eta Sancet izan da hirugarrena sartu duena. Nico Williamsek bere defendatzailea atzean utzi eta golera jaurti du. Maximianok ondo atera du hanka, baina Sancetek aldaratzea hartu eta ez du barkatu (3-0).
Williams anaiek euren golaren bila jarraitu dute, baina oraingoan ez zaie tokatu eta Athletic Europako postuetan doa geldialdira.
Fitxa teknikoa
3 - Athletic Club: Unai Simon; De Marcos, Vivian, Yeray (Paredes, 8. min), Yuri; Dani Garcia (Unai Gomez, 82. min), Herrera (Prados, 75. min); Iñaki Williams, Sancet (Muniain, 82. min), Nico Williams; eta Guruzeta (Villalibre, 75. min).
0 - Almería: Maximiano; Mendes (Pozo, 68. min), Kaiky, Chumi, Akieme; Embarba, Baba (Arnau Puigmal, 82. min), Lopy, Ramazani (Lazaro, 76. min); Melero (Arribas, 68. min) eta Kone (Marciano, 68. min).
Golak: 1-0, 10. min: Guruzeta. 2-0, 63. min: Dani Garcia. 3-0, 81. min: Sancet.
Zure interesekoa izan daiteke
Valverde: “Hiru puntu nola edo hala lortzeko premia dugu"
Ernesto Valverdek ohartarazi du egun Athleticek “lasai egoteko puntuak” falta dituela, eta orain helburua “nola edo hala” irabaztea dela, Europarako txartel ematen duten postuetara begira egon beharrean.
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.