Athleticek jipoia hartu du Vila-realen etxean (5-1)
Athleticek zaplaztekoa hartu du Ligako 34. jardunaldian Vila-realen aurka Zeramikaren zelaian jokatutako partidan. Alex Baenak eta Nicolas Jacksonek aurretik jarri dute talde valentziarra, 2-0, eta lehen zatiaren amaieran, Sancetek, penaltiz, 2-1era murriztu du markagailuan aldea. Bigarren zatian, Nicolas Jacksonek, lehenengo, eta Paredesek, gero, bere atean, 4-1ekoa ezarri dute, eta Baenak, luzapenean, 5-1ekoa.
Partidak erritmo bizia izan du hasieratik, eta bi taldeek izan dituzte gola egiteko aukerak. Horrela, lehen gola lehen ordu-erdia bete baino lehen iritsi da, Alex Baenak egindako jaurtiketa gogor baten ondorioz. Baloia zutoina laztanduz sartu da Unai Simonen atean.
Nico Williamsek 1-1ekoa egiteko aukera izan du, baina hurrengo gola ere etxeko taldeak egin du. Jacksonek errebote bat harrapatu du area barruan, eta bere taldearen bigarrena sartu du (2-1).
Atsedenaldiaren atarian, Sancetek bilbotarren gol bakarra egin du, VARetik adierazitako penalti batean.
Baina golak ez du talde zuri-gorria suspertu, ezta atsedenaldian Valverdek esandakoek ere. Bigarren zatian izan duen lehenengo aukeran, etxeko taldeak 3-1ekoa egin du, Jacksonek egin du, Yeremyren jaurtiketa baten aldaratzea aprobetxatuta.
4-1ekoa bizkaitarrek defentsan egindako enegarren hutsaren ondorioz iritsi da. Paredesek egin du, bere atean.
Bosgarren eta azken gola Baenak egin du, luzapenean. Setienen taldea sendo doa Europara bidean; Athleticek, aldiz, huts egin du denboraldiko une garrantzitsuenetako batean, eta lau partida jarraian daramatza garaipenik lortu gabe.
Fitxa teknikoa
5 - Vila-real: Reina; Foyth, Mandi, Pau, Pedraza (Alberto Moreno, 82. min), Parejo, Capoue (Terrats, 57. min), Baena; Samu Chukwueze (Lo Celso, 66. min), Jackson (Gerard, 66. min) eta Yeremy Pino (Trigueros, 82. min).
1 - Athletic: Unai Simon; Lekue (De Marcos, 58. min), Yeray, Paredes, Yuri; Dani Garcia, Herrera (Vesga, 58. min); Iñaki Williams (Guruzeta, 70. min), Sancet, Nico Williams (Adu Ares, 79. min); Berenguer (Muniain, 58. min).
Golak: 1-0, 24. min: Baena. 2-0, 37. min: Jackson. 2-1, 48. min: Sancet (penaltiz). 3-1, 50. min: Jackson. 4-1, 61 . min: Paredes (bere atean). 5-1, 91. min: Baena.
Epailea: Del Cerro Grande (Madrilgo batzordekoa). Txartel horia atera die Capoue, Parejo, Pau Torres eta Pedraza Vila-realeko jokalariei, eta Herrera, Paredes eta Iñaki Williams zuri-gorriei.
Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.