Rayok eta Athleticek berdindu egin dute atezainek agindu duten norgehiagokan (0-0)
Stole Dimitrievski eta Julen Agirrezabala nagusitu dira igande honetan Rayo Vallecano eta Athletic Cluben arteko norgehiagokan, Vallecas futbol-zelaian. Talde batek ere ezin izan du dinamika txarretik ihes egin golik gabeko berdinketa batean, Nico Williamsek saihestu ahal izan duena, baina horren jaurtiketak langa jo du.
Intentsitate handiko lehia baten jabe argirik gabe, Athleticen asmoa garaipenaren bila irtetea zen. Hegaletatik arriskua sortzeko modua aurkitu du Lekueren igoerekin, Nico Williamsen kemenarekin eta Berenguerren agerpenekin. Guruzetak errematean asmatu izana falta izan zaio lehen zatian izan dituen bi aukeretan.
Etxekoen arrisku guztia Isik sortu du. Jaurtiketa desbideratu baten ondoren, estrategiako falta batean, Camelloren errematea zutoinaren ondo-ondotik atera da kanpora.
Isi bi areetan nabarmendu da, aurrealdean saiatu ostean, atzealdean Athleticen gola eragotzi baitu bere burua lurrera botata, Guruzetak lehen zutoinean orraztutako korner batean, Dimitrievskik partidako geldiketa egin aurretik.
Fran Garciaren ekina Alvaroren jaurtiketa batekin amaitu da, gurutzatuta, eta zutoinak bakarrik eragotzi du golaren saria jasotzea.
Bigarren zatian, galtzeko beldurra nagusitu da. Akats bat erabakigarria izan ahal zen, aprobetxatuz gero. Muminen opari bat alferrik galdu du Berenguerrek, baloia sarearen hegalera botata.
Iraolaren mutilek garaipenaren bila jo dute orduan, baina Trejok ez du jaurtiketa gurutzatua ondo bideratu.
Agirrezabalaren geldiketa erabakigarria izan da partida amaitzeko minutu falta zirenean, abilezia handia erakutsita, eskua gogor jarri baitu Raul de Tomasen orpoan jo duen Alvaroren jaurtiketa desbideratzeko. Zalantza gehiagorekin, urruneko jaurtiketa bat ere aldendu dio protagonista berari, eta azken aukera Nico Williamsek izan du, baina langak uxatu du horren jaurtiketa.
Lekue, lesionatuta, eta Sancet, kanporatuta, baja Bartzelonaren aurka
Iñigo Lekue eta Oihan Sancet baja ziurrak izango dira datorren iganderako, San Mamesen (21:00) FC Bartzelonaren aurka jokatuko duen neurketan. Lekuek kolpe bat jaso du, eta min egin du "eskuin izterreko muskulu zuzen femoralean"; hori dela eta, 76. minutuan, berdegunetik atera behar izan du. Sancetek txartel gorria ikusi du aurkari bati sarrera egin ondoren.
Fitxa teknikoa
0 - Rayo Vallecano: Dimitrievski; Balliu, Mumin, Lejeune, Fran Garcia; Isi (Salvi, 88. min), Oscar Valentín (Pathe Ciss, 80. min), Comesaña, Alvaro García; Trejo (Unai Lopez, 80. min); eta Camello (Raul de Tomas, 66. min).
0 - Athletic Club: Agirrezabala; Lekue (De Marcos, 77. min), Vivian, Iñigo Martinez, Yuri; Dani Garcia (Vesga, 84. min), Zarraga; Nico Williams, Sancet, Berenguer (Iñaki Williams, 72. min); eta Guruzeta (Raul Garcia, 72. min).
Epailea: Mario Melero Lopez. Txartel horia atera dio Mumini eta gorria Sanceti.
Zure interesekoa izan daiteke
Valverde: “Hiru puntu nola edo hala lortzeko premia dugu"
Ernesto Valverdek ohartarazi du egun Athleticek “lasai egoteko puntuak” falta dituela, eta orain helburua “nola edo hala” irabaztea dela, Europarako txartel ematen duten postuetara begira egon beharrean.
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.