Athleticen joko onak mendean hartu du Valentzia San Mamesen (1-0)
Alex Berenguerrek lehen zatian sartutako golari esker, Athleticek garaipena lortu du Valentziaren aurka San Mamesen (1-0), talde zuri-gorriaren lehen garaipena eta Gennaro Gattuso italiarraren taldearen lehen porrota denboraldi honetan.
Athleticek gol gehiago sartzeko aukerak izan ditu, eta Williams anaiek lortu dute, baina biak jokoz kanpo zeuden. Valentziak ere merezimenduak egin ditu eta aukerak izan ditu.
Bi entrenatzaileek ligako debutean erabilitako ideiari eutsi diote.
Entrenatzaile zuri-gorriak Sancet eta Muniain zelai erdian elkartzea erabaki du, baina Villalibre alde batera utzi eta Nico Williams zelairatu du. Beraz, Iñakik puntan jokatu du.
Lehen minutuetan Athleticek hainbat gerturatze izan ditu, korner pare bat behartu ditu eta aukera bikain bat ere izan du. Baina, azkenaldian gertatu bezala, Athletic ez zen gai bere nagusitasun nabaria goletan bihurtzeko.
Eta norgehiagoka atsedenaldira golik gabe zihoala zirudienean, Berenguerrek Vesgaren baloi bat aprobetxatu du Mamardashvili atezaina gainditzeko eta partidako gol bakarra sartzeko.
Luzapenean bigarren bat ere sartu du Athleticek, baina Williams argi eta garbi zegoen jokoz kanpo baloi solte bat errematatu duenean.
Bigarren zatiaren hasierak lehenengoaren lerroari eutsi dio, lau iritsiera arriskutsurekin, Nikoren hiru eta Muniainen jaurtiketa gurutzatu bat. Nikoren hirugarrenak, bere anaia eta Muniainekin batera, ez du irtenbide onik aurkitu.
Azken aukeretan, Athleticen kontraerasoan, Nikori gol bat baliogabetu zaio jokoz kanpo zegoelako.
Luzapenean, Marcos Andrek bi aldiz jarri du korapiloa zaleen eztarrian. Lehenik, buruz egindako erremate batekin, Foulquierren erdiraketarekin; eta partidako azken jokaldian, ezkerretik areara diagonal bat bidalita, inork geldiarazi ez duena eta jaurtiketa gurutzatu batekin errematatu duena.
Fitxa teknikoa
1 - Athletic: Unai Simon; De Marcos, Vivian, Yeray, Yuri; Vesga, Sancet (Vencedor 73. min), Muniain (Raul Garcia, 73. min); Nico Williams (Capa, 92. min), Berenguer (Zarraga, 64. min) eta Iñaki Williams (Morcillo, 92. min).
0 - Valentzia: Mamardashvili; Thierry (Foulquier, 74. min), Gabriel Paulista, Diakhaby, Jesus Vazquez (Lato, 62. min); Guillamon (Marcos Andre, 74. min), Musah (Nico Gonzalez, 62. min), Carlos Soler; Lino, Castillejo eta Hugo Duro (Maxi Gomez, 16. min).
Gola: 1-0, 42. min: Berenguer.
Epailea: Cesar Soto Grado. Txartel horia atera die Vivian (12. min), Muniain (68. min), Unai Simon (79. min), Yuri (85. min) eta Yerayri (88. min), baita Musah (24. min) eta Diakhaby, (74. min) bisitariei ere.
Zure interesekoa izan daiteke
Valverde: “Hiru puntu nola edo hala lortzeko premia dugu"
Ernesto Valverdek ohartarazi du egun Athleticek “lasai egoteko puntuak” falta dituela, eta orain helburua “nola edo hala” irabaztea dela, Europarako txartel ematen duten postuetara begira egon beharrean.
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.