Athletic, burua altxa ezinda (1-2)
Athleticek merezita galdu du San Mamesen jokatutako partida kaskarra. Valverderen gizonek madarikazioa dute Ligako azken sailkatuekin, eta gaur Elxek etekina atera dio egoera horri. 1 eta 2 gailendu dira Alacantekoak, San Mamesen euren historiako lehen garaipena lortuta.
Athleticek oso goiz eman du lehen abisua; bigarren minutuan Mikel Ricok boleaz jaurtiketa bortitza egin du, baina Tyton zuhur ibili da baloia urruntzeko.
Zuri-gorriek baloia izan dute baina aukera argirik sortu gabe. Elxek, berriz, gola egin du izan duen lehen aukera handian: Victor Rodriguezek baloia eskuarekin eraman eta Iraizoz gainditu du. Athleticeko jokalariek protesta egin dute, baina Iglesias Villanueva epaileak ez die jaramonik egin. Balenziagari txartel horia atera dio, protestatzen jarraitzeagatik.
20 minutuan Aduriz banakoa egitear izan da, baina txilenaz egindako errematea kanpora joan zaio. Donostiarrak ezin izan du nahi bezala errematatu.
33. minuan beste aukera bat izan du Adurizek, baina jaurtiketa kanpora joan zaio, oso gutxigatik. Atsedenaldiaren aurretik, bilbotarrek beste aukera bat izan dute, oso argia, partida berdintzeko, baina Oscar de Marcosen burukada gora joan da, errezena baloia atean sartzea zela zirudienean.
Bigarren zatian lehen txistuak entzun dira San Mamesen, eta zuri-gorriek bigarren zaplastekoa hartu dute: Balenziagak huts ikaragarria egin du atzeko aldean eta Fayçalek Elxen bigarren gola sartu du. Handik bi minutura, Valverdek Viguera sartu du zelaian, Oscar de Marcos kaskar baten ordez.
San Joseren gol bikaina
Athletic jota geratu da, norabidea galduta… San Jose agertu den arte. Nafarrak gol ederra egin eta bere taldea partidan sartu du berriro, arearen kanpoko aldetik egindako jaurtiketa bikainaren bidez.
Bizkairrrek erasora jo dute, baina bururik gabe. Azkenean Elxek merezita irabazi du partida, eta Athleticek sailkapeneko beheko postuetara begiratzen hasi beharko du. Asko dauka hobetzeko Ernesto Valverderen taldeak.
Fitxa teknikoa
1 - Athletic: Iraizoz; Iraola, Etxeita, Laporte, Balenziaga; Iturraspe (San José, 66. min), Rico; Susaeta, De Marcos (Viguera, 54. min), Muniain (Toquero, 66. min); Aduriz.
2 - Elx: Tyton; Damián Suárez, Roco, Lombán, Domingo Cisma; Pasalic, Adrián; Víctor Rodríguez (Cristian, 84. min), Fajr, Aarón Níguez (Coro, 69. min); etaJonathas (Pelegrín, 93. min).
Golak: 0-1, 17. min: Víctor Rodríguez. 0-2, 53. min: Fajr. 1-2, 73. min: San José.
min: San José.Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.