Zerrendaburu izatea, Athleticen helburu berria
Behin Txapeldunen Ligako atarikoa jokatuko duela ziurtatuta, Athleticen helburu berria zerrendaburua izatea da. UEFA koefizientearen arabera erabakiko da zozketan egongo diren bi taldeen osaketa.
Ez da erraza izango, borroka beran dauden aurkari gehienek UEFA koefiziente altuagoa daukate eta. Txapeldunak ez diren hamar taldek jokatzen dute Europako lehiaketa onenaren atarikoa.
Euren Liga irabazi ez duten baina taldekako fasean sartzeko aukera daukaten hamarren arteko playoffetatik bost talde aterako dira.
BBVA Ligako laugarren gelditu delako arituko da Athletic atarikoan. Playoff hauetara zuzenean doazen gainerako laurak dira Ingalaterra eta Alemaniako ligetako laugarren sailkatuak, eta Italia eta Portugaleko hirugarrenak (Porto).
Kanporaketak, abuztuan
Joan-etorriko kanporaketa batean arituko dira bost taldeak, abuztuaren 19/20an eta 26/27an, beste fase batetik etorritako bost talderen aurka. Aurreko horiek hamar talderen arteko kanporaketa batean erabakiko dira, hurrengo hauen artean: Frantzia eta Turkiako hirugarrenak, eta Zipre, Ukraina, Belgika, Danimarka, Errusia, Grezia, Suitza eta Herbehereetako hirugarrenak.
UEFA kofizienteak erabakiko duenez bosteko bi talde horien osaketa, lau talde izan ditzake Athleticek aurretik, baina ez gehiago.
Porto, Portugalgo hirugarrena, aurretik izango du. Ingalaterrako laugarrena (Arsenal, agian), eta Alemaniakoa (Bayer Leverkusen edo Schalke 04) ere aurretik izan ditzake. Italiakoa Napoli baldin bada, hori ere Athleticen aurretik egongo litzateke. Edonola ere, oraindik ez daude erabakita.
Beste ligak
Beste ligetako talde batzuk ere Athleticen aurretik daude koefizientean: Ukrainako Shakhtar Donetsk, Errusiako Zenit, Turkiako Galatasaray eta Suitzako Basilea. Horiek kanporaketa honetatik ez igarotzeko probabilitate handiak dituzte.
Zure interesekoa izan daiteke
Valverde: “Hiru puntu nola edo hala lortzeko premia dugu"
Ernesto Valverdek ohartarazi du egun Athleticek “lasai egoteko puntuak” falta dituela, eta orain helburua “nola edo hala” irabaztea dela, Europarako txartel ematen duten postuetara begira egon beharrean.
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.