Soldadok gupidarik gabe jipoitu du Athletic
- Fitxa teknika:
0 - Athletic: Iraizoz; Iraola, Javi Martinez, San Jose, Aurtenetxe; Iturraspe, Herrera (Ekiza, 71. minutuan), De Marcos; Muniain, Susaeta eta Iñigo Perez (Ibai Gomez, 46. minutuan).
3 - Valentzia: Guaita; Barragan (Bruno, 71. minutuan), Rami, Dealbert, Jordi Alba; Topal, Parejo: Pablo Hernandez (Jonas, 59. minutuan), Feghouli, Mathieu (Piatti, 75. minutuan); eta Soldado.
Golak: 0-1, 41. minutuan: Soldado. 0-2, 57. minutuan: Soldado. 0-3, 85. minutuan: Soldado, penaltiz.
Marcelo Bielsaren mutilek ezin izan dute ohiko jokoa gauzatu, Valentziak presio ona egin duelako aurrealdean, eta aukerak urriak izan dira San Mamesen lehenengo zatian. Feghoulik izan du partidako aurreneko abagunea, 5. minutuan, baina Valentziako jokalariaren jaurtiketa zuzenean kanpora joan da. Baloiaren jabetza mantentzeko arazo ugari izan dituzte zuri-gorriek, eta erasoan tokia aurkitu ezinik ibili dira Muniain, Susaeta eta De Marcos.
Bilboko taldearen aukera onena De Marcosek izan du 31. minutuan, baina jokalari arabarraren jaurtiketa biguna Guaitak gelditu du. 0-1ekoa 41. minutuan eskuratu du Roberto Soldadok. San Josek akast larria egin du, Iraizozi pase laburra emanda, eta Valentziako aurrelariak, erraz bidali du baloia sare barrura.
Bigarren zatian, Athleticek berdinketa lortzeko asko sakatu du erasoan eta zuri-gorriek jokaldi onak eratu dituzte. Hala ere, Bielsaren mutilek minutu onenak jokatu dituztenean, Roberto Soldadok 0-2koa jarri du markagailuan. Valentzia taldeko aurrelariak zutoin ondotik sare barrura bidali du baloia eta neurketa aldapa gora jarri zaio Athletici.
Ibai Gomezek abagune ederra izan du 62. minutuan, baina falta jaurtiketa Guaita atezainak ederki desbideratu du. Partidako 67. minutuan Andoni Iraolak bigarren txartel horia ikusi du eta zuri-gorriak hamar jokalarirekin gelditu dira.
Neurketa erabakita gelditu da Athleticeko kapitaina kanporatu ondoren eta Soldado San Mameseko protagonista nagusia bilakatu da. Gorka Iraizozek gelditu ikusgarriak egin ditu, baina Unai Emeryren taldeak 0-3koa lortu du. San Josek eskuarekin jo du baloia eta epaileak penaltia adierazi du. Iraizozek ezin izan du Soldadoren jaurtiketa gelditu eta partida 0-3koarekin bukatu da.
Zure interesekoa izan daiteke
Valverde: “Hiru puntu nola edo hala lortzeko premia dugu"
Ernesto Valverdek ohartarazi du egun Athleticek “lasai egoteko puntuak” falta dituela, eta orain helburua “nola edo hala” irabaztea dela, Europarako txartel ematen duten postuetara begira egon beharrean.
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.