Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Lucas Boye bere bigarren gola ospatzen, Gironaren aurka. Argazkia: EFE
Lucas Boye Alaveseko aurrelari argentinarrak puntu bat erreskatatu du talde babazorroarentzat Gironaren aurka Mendizorrotzan (2-2). Talde gasteiztarra aurreratu da partida hasi eta berehala, Boyeren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Hala ere, arabarren aurrelariak berdinketaren gola sartu du partidaren amaieran.
Norgehiagoka hasi aurretik, Kosner Baskoniak merezitako omenaldia jaso du Mendizorrotzan, saskibaloi taldeak igandean Valentzian zazpigarren Errege Kopako irabazi ostean.
Baskoniako jokalari guztiek berdegunera salto egin dute Arabako zaleei Kopa eskaintzeko. Tadas Sedekerskis kapitainak eraman du garaikurra, eta beste kapitainak, Markus Howardek, ohorezko sakea egin du.
Alaves gogotsu atera da zelaira, Baskoniaren nortasunaz kutsatuta edo. Tenagliak ezker hegalera zabaldu du baloi bat, Youssef zegoen tokira, eta haren erdiraketa Lucas Boyek sare barrura bidali du.
Girona jota zegoen gola jaso ostean, baina Toni Martinezek ez du aprobetxatu area inguruan lapurtutako baloi bat bigarren gola sartzeko. Bere jaurtiketa harmailetara joan da.
Gironak bere hasiera kaskarra atzean utzi eta berdinketa lortu du ordu erdiko lehiaren ostean. Korner batean Vladyslav Vanatek buruz egin du banakoa, Witselek lehen zutoinean baloia ukitu ondoren.
Atsedenaldiaren ostean, Chacho-ren mutilek askoz gehiago bultzatu dute, eta Gazzanigaren ate inguruan ibili dira, baina ez dute markagailua mugitzea lortu nahiz eta hainbat modutan saiatu diren.
Alavesek erasoko presentzia galdu du pixkanaka, baina atzealdean sendo mantendu da Gironak entrenatzailearen aldaketekin hobera egin duenean. Kataluniako taldearen kalitatea agerian geratu da bigarren golean Ounahiren eta Viktor Tsygankoven arteko jokaldi bikainarekin. Kataluniarren beste jokalari ukrainarrak buelta eman dio markagailuari.
Hala ere, Lucas Boye berriro agertu da bere taldea erreskatatzeko, Vitor Reisekin lehia estuan asmatu duen gol batekin. VARak jokaldia aztertu eta berdinketa berretsi du 89. minutuan.
- Fitxa teknikoa:
2 - Alaves: Sivera; Otto, Tenaglia, Parada, Yusi; Angel Perez (Calebe, 76. min), Ibañez (Denis, 76. min), Antonio Blanco (Guevara, 89. min), Aleña (Mañas, 89. min); Toni Martinez eta Boye.
2 - Girona: Gazzaniga; Hugo Rincon, Arnau, Vitor Reis, Blind; Witsel, Ivan Martin (Echeverri, 61. min); Tsygankov (Stuani, 84.min), Lemar (Beltrán, 61.min), Bryan Gil (Frances, 84.min) eta Vanat (Ounahi, 68. min).
Golak: 1-0. 5. min: Boya. 1-1 31. min: Vanat. 1-2 73. min: Tsygankov. 2-2 89. min: Boyé.
Epailea: Cordero Vega kantabriarra. Txartel horia erakutsi die Toni Martinez (11. min) eta Yusi (49. min) babazorroei, eta Echeverri (76. min) eta Beltran (84. min) Gironako jokalariei.
Nabarmentzekoa: Mendizorrotzan jokatutako EA Sports Ligako 25. jardunaldiko partida, 14.117 ikusleren aurrean.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.