Mendizorrotzako futbol-zelaiak ateak irekiko dizkie Gasteizko herritarrei maiatzaren 23 eta 24an
Mendizorrotzako futbol-zelaiak ateak irekiko dizkie maiatzaren 23an eta 24an gasteiztarrei. Ehun pertsonak zelaia bisitatzeko aukera izango dute egun horietan, eta jokalariekin eta Babazorro maskotarekin argazkiak atera ahalko dituzte.
Gasteizko Udalak ohar batean jakinarazi duenez, maiatzaren 22an izena ematen duten guztien artean zozketa egingo dute, eta izen-emate guztietatik 25 irabazle aterako dira egun bakoitzerako, guztira 50. Pertsona horiek lagun batekin joan ahal izango dira zelaia bisitatzera.
Egun horietan, aldagelak, aldageletako tunela eta aulkiak ikusiko dituzte. Bukatzeko, Alaveseko lehen taldeko eta Alaves Gloriosaseko jokalari guztiekin eta Babazorro maskotarekin aterako dute argazkia.
Joateko interesa dutenek izena eman beharko dute joan nahi diren eguneko (edo bi egunetako) orrian, 23koan edo 24koan. Astearterako plaza ziurtatzen duenak ezingo du asteazkenerako zozketan parte hartu; hau da, izen-ematea bi egunetarako egin daiteke, baina behin irabaz daiteke bakarrik.
Zozketan parte hartzeko baldintza bakarra 18 urte izatea da (irabazlearen NANa zelaian sartzeko orduan erakutsi beharko da). Izena emateko epea irekita dago jada udaletxeko web orrialdean, eta maiatzaren 21ean, igandean, 23:59an itxiko da.
Zozketak astelehenean egingo dira, maiatzaren 22an, 08:30ean, zenbakiak ausaz lortzea ahalbidetzen duen aplikazio informatiko baten bidez. Egun horretan, 25 irabazleetako NANak ezagutu ahalko dira web orrialdeko albiste batean eta sare sozialen bidez.
Saridunek maiatzaren 23an edo 24an (egokitu zaien egunaren arabera) 18:00etan Mendizorrotza zelaiko 1. atera joan beharko dute. Sarrera kontrolatuta egongo da, saridunak lagun batekin sartu ahalko dira, eta NANaren bidez ziurtatuko dute sarbidea.
Zure interesekoa izan daiteke
Antonio Sivera: “Porrot gogorra da"
Antonio Sivera Alaveseko jokalariaren adierazpenak, bere taldeak Athleticen aurka 2-4 galdu ostean, EA Sports Ligako 34. jardunaldiko partidan. (Adierazpenak gaztelaniaz)
Athleticek derbia irauli du, eta Alaves amildegiaren ertzean geratu da (2-4)
Alaves bi aldiz jarri da aurretik markagailuan, baina Athleticek markagailuari buelta eman dio bigarren zatian, Nico Williamsek lau minututan bi gol sartuta. Emaitza honekin, babazorroek hurbilago dituzte jaitsierako postuak; talde zuri-gorriak, berriz, arnasa hartu du 3 puntu gehiago bilduta.
Sanchez Flores, derbiari buruz: “Athletic duela bi hilabete baino talde arriskutsuagoa da”
Quique Sanchez Flores Alavesen entrenatzaileak prentsaurrekoa eman du ostegun honetan, Athleticen kontra Mendizorrotzan jokatuko duen derbiari buruz hitz egiteko.
Angel Perez: “Mentalki, hiru puntu baino gehiago ematen dituen garaipena da”
Angel Perez Alaveseko jokalariaren adierazpenak, talde gasteiztarra EA Sports Ligako 32. jardunaldiko partidan Mallorcari 2-1 gailendu ostean. Lortutako hiru puntuei esker, arabarrak jaitsiera postuetatik atera dira. (Adierazpenak gaztelaniaz)
Alavesek urrezko hiru puntu eskuratu ditu Mallorcaren aurka (2-1)
Talde babazorroak balio handiko garaipena lortu du Mallorca mendean hartuta. Sanchez Floresen taldea suspertu egin da bigarren zatian Toni Martinezi esker, markagailuari buelta eman dion binakoa egin baitu murtziarrak.
Sanchez Flores: “Jokalari bat gehiago dugu, harmaila"
Alavesek larunbat honetan Mendizorrotzan jokatuko du Mallorcaren aurka, mailari eusteko lehia zuzenean. Quique Sanchez Floresek tentsioa baretu nahi izan du, taldearen esperientzian konfiantza jarriz, eta harmaila “jokalari bat gehiago” dela azpimarratuz.
Tenaglia: “Aukera asko izan genituen, huts egin genuen eta ez ziguten barkatu”
Alavesek 2-1 galdu du Real Madrilen aurka. Nahuel Tenagliak onartu duenez, "metro bat utzi diete Viniciusi eta Mbapperi, eta haiek ez dute barkatzen", baina badaki ondo jokatu dutela, "futbol ona egin genuen".
Mbappek eta Viniciusek saririk gabe utzi dute Alaves, Bernabeun ondo lehiatu arren (2-1)
Quique Sanchez Floresen mutilek behin baino gehiagotan izan dute partidan sartzeko aukera, baina ez dute ate aurrean asmatu. Toni Martinezek luzapenean sartutako gol polit batek gatz pixka bat jarri du, baina berandu zen ordurako.
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.