Alavesek lidergoa galdu du Cartagenan (1-1)
Alavesek LaLiga SmartBankeko lidergoa galdu du, bana berdinduta Cartagenaren zelaian, eta talde gasteiztarra bigarren postuan dago orain, Las Palmasek sailkapenean gainditu duelako.
Cartagena, baloi-jabetza handiagoarekin, aurkariaren atea aurkitzen lehena izan da, Jairoren urruneko jaurtiketa baten bidez. Beranduago, Jairok berak erdiraketa bat egin du, babazorroen atezaina berriro esku hartzera behartuz.
Estrategiak abantaila eman dio ia Luis Carrionen taldeari. Pablo De Blasisek botatako korner bat Pedro Alcalak errematatu du, baina Nahuel Tenagliak buruz aldendu du.
Ivan Calerok emandako pase baten ostean, Jairok, etxekoen erasotzailerik zorrotzenak, 43. minutuan gola sartzeko aukera oso ona izan du, baina atearen eskuinaldera joan zaio jaurtiketa.
45. minutuan, De Blasisek ere izan du aukera ona, baina Sivera eta bere atzelariek baloia urruntzea lortu dute, hala ere, hurrengo ekintzan, Saul Ais Reigek penaltia adierazi du Nikola Marasek Mikel Ricorekin izandako lehia batean, atzelariari baloiak eskuan jo diolako.
11 metrotatik, Armando Sadikuk, atezaina engainatu, eta baloia bere ezkerrera bidali du 1-0koa lortzeko.
Lehenengo zatian, Alavesek ez du Aaron Escandell kezkatu, baina bigarren zatia hasi eta bi minutu eskasera berdindu dute partida. Miguel de la Fuentek, Rober Gonzalezen paseari esker, jaurtiketa gurutzatu batez gainditu du atezain zuri-beltza.
Cartagenakoak tematu egin dira eta Ivan Caleroren erdiraketa bikain baten ondoren, Sadikuk gola gertu izan du, baina bere errematea ez da hiru zutoinen artean sartu.
Azken txanpa joan-etorrikoa izan da, baina markagailua ez da mugitu Cartagonovan, eta, ondorioz, Alavesek 15 puntu ditu, Las Palmasek dituen berberak.
Fitxa teknikoa:
1 - Cartagena: Aaron Escandell; Ivan Calero, Pedro Alcala, Kiko Olivas, Toni Datkovic; Musto (Luca Sangalli, 85. minutuan), Mikel Rico, De Blasis; Borja Valle (Oscar Arribas, 70. minutuan), Jairo (Adrian Sanmartin, 85. minutuan) eta Sadiku.
1 - Alaves: Sivera; Tenaglia, Maras, Sedlar (Abqar, 45+3. minutuan), Ruben Duarte (Javi Lopez, 86. minutuan); Carlos Benavidez, Salva Sevilla (Toni Moya, 74. minutuan), Jon Guridi; Alkain, Abde Rebbach (Rober Gonzalez, 46. minutuan) eta Miguel de la Fuente (Taichi Hara, 74. minutuan).
Goles: 1-0, 45+2. minutuan: Sadiku, penaltiz. 1-1, 48. minutuan: Miguel de la Fuente.
Epailea: Saul Ais Reig. Etxeko Jairo (15. minutuan), Borja Valle (36. minutuan) eta Toni Datkovic (88. minutuan) eta kanpoko Ruben Duarte (56. minutuan) eta Carlos Benavidez (63. minutuan) kargu hartu ditu.
Zure interesekoa izan daiteke
Alavesek F Moeve Ligara igotzea lor lezake, igande honetan, Mendizorrotzan, Cacereñoren aurka
Andrea Estebanen taldeak aurkaria garaitzen badu, eta larunbatean, Bartzelonak Valentziaren aurka irabazi edo berdintzen badu, matematikoki Moeve F Ligara igoko litzateke. Horrela, Alavesen zaleek igoera Mendizorrotzan ospatu ahalko lukete.
Nahuel Tenaglia Alavesekin Lehen Mailan 100 partidetara ailegatu da Celtaren aurkako garaipen historikoan
Tenaglia 2021-2022 denboraldian ailegatu zen Alavesera, eta, orain arte, 146 neurketa jokatu ditu Gasteizko taldearekin. Atzelariak igande honetan lortu zuen erregistro honetara ailegatzea, Quique Sanchez Floresen taldeak Celtaren aurka jokatutako norgehiagoka handian (3-4).
Toni Martinez: “Zalantzarik gabe, gogoratzeko moduko partida izango da"
Alavesek garaipen historikoa lortu du Celtaren aurka Balaidosen, 3-0 galtzen joan eta gero, markagailua iraulita. Toni Martinez erabakigarria izan da, bi gol sartu ditu eta.
Alavesek handia egin du Balaidosen (3-4)
3-0 galtzen joan ostean, Quique Sanchez Floresen taldeak markagailua irauli, eta 3 puntu garrantzitsu bereganatu ditu jaitsiera postuetatik aldentzeko.
Quique Sánchez Flores: "Imajinatzen dugun partida jokatu behar dugu"
Celtaren aurkako partidaren atarian emandako prentsaurrekoan, Gloriosoko entrenatzaileak esan du ilusioz gainezka dagoela taldearekin, eta orain arte bezala lan eginez gero helburua lortzen joango dela. "Garrantzitsua da imajinatzen dugun partida jokatzea" adierazi du Sanchez Floresek.
Jonny Otto: “Ahalik eta lan gehien egiteko prest zelairatuko gara, atea hutsean uzteko"
Jonny Otto Alaveseko jokalaria Galiziara itzuliko da asteburu honetan, Celtaren aurka jokatzeko. Prentsaurrekoan adierazi du nola sentitzen den partidaren aurrean, eta taldeak nola ekingo dion denboraldiaren azken zatiari.
Vila-realek garaipenik gabe utzi du Alaves luzapenean (1-1)
Bisitari batek bere atean sartutako gol batek aurretik jarri ditu babazorroak, baina Pepek etxekoen festa zapuztu du luzapenean.
Elene Errasti Alaveseko jokalaria: "Espero dugu iazko bukaera hobetzea eta helburua betetzea"
Sei jardunaldiren faltan, Alaves da emakumezkoen bigarren mailako liderra. Horrela amaituz gero, elitera igotzea lortuko dute. Zazpi puntuko abantaila dute bigarren sailkatuarekiko, baina nahiago dute zuhur jokatu, iaz igoera gertu izan zutelako eta ihes egin zielako.
Quique Sanchez Flores: “Alavesek etxean lortu ditu puntu gehienak, jarraitzaileen animoekin. Horri eutsi behar diogu”
Alavesek bi puntura du jeitsiera, hortaz, oso garrantzitsua da arabarrentzat bihar garaipena lortzea. Gainera Quique Sanchez Flores estreinakoz arituko da etxean, zaleen aurrean.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.