Alavesek lidertzari eutsi dio Huesca mendean hartuta (2-1)
Alavesek irabazi egin du Huescaren aurka (2-1) igande honetan (irailak 18) Mendizorrotzan jokatu duen SmartBank Ligako seigarren jardunaldiko partida. Arabako taldeak bigarren garaipena jarraian lortu du eta liderra da.
Alaves - Huesca (2-1), laburpena
Norgehiagokako 12. minutuan izan du Alavesek lehen abagunea, baina Abderen jaurtiketa Andres Huescako atezainak gelditu du. Minutu bat beranduago, ordea, Sivera Alaveseko atezainak Huescaren gola eragotzi du, Sokoren jaurtiketari erantzun bikaina emanda. Abdek gola sartzeko beste aukera bat izan du 23. minutuan; Arabako taldeko jokalariak, ordea, ezin izan du aurkariaren atea zulatu, kontraeraso azkar baten ostean. Lehen zatiko azken txanpan Tenagliak saiakera egin du area kanpotik eta Andresek gelditu egin du Miguelen jaurtiketa. Atsedenaldira iritsi aurreko minutuetan erasokor jokatzen jarraitu du Alavesek eta saria jaso du 42. minutuan Xeber Alkainek sartu duen golarekin (1-0). Falta baten bidez hartu du aurrea Alavesek eta gol bateko abantailarekin joan da aldageletara.
Bigarren zatiari bikain ekin dio Gasteizko taldeak, 52. minutuan Tenagliak gola (2-0) sartu baitu; Salva Sevillaren erdiraketaren ostean baloia Miguelek ukitu du, eta Nahuel Tenagliak ate barrura bidali du baloia.
Alavesek bigarren gola sartu ostean, talde bisitariak aldeak murrizteko abagunea izan du, baina Siverak gelditu egin du Escricheren errematea. Neurketako 66. minutuan Sielvak 2 eta 1ekoa jarri du markagailuan erremate on batekin Sivera gaindituta.
Partidako azken minutuetan Alaves nagusi izan da, beste golen bat sartzeko abagune onak izan ditu, baina ez du aurkariaren ate aurrean asmatu. Hala ere, hiru puntuak talde babazorroak bereganatu ditu.
Fitxa teknikoa:
2 - Alaves: Sivera; Duarte, Sedlar, Abqar (Maras, 63. min), Tenaglia; Salva Sevilla (Moya, 72. min), Benavidez, Abde (Javi Lopez, 86. min), Guridi, Alkain (Jason, 64. min) eta Miguel (Hacha, 72. min).
1 - Huesca: Andres Fernandez; Andrei, Blasco, Pulido (Tomeo, 46. min), Miguel; Timor, Kashimoto (Sielva, 46. min), Escriche (Carrillo, 78. min), Soko (Gerard, 20. min); Kante (Carlos Kevin, 61. min) eta Juan Carlos.
Golak: 1-0, 42. min: Alkain. 2-0, 52. min: Tenaglia. 2-1, 66. min: Sielva.
Epailea: Raul Gonzalez Frances. Txartel horiak atera dizkie Duarte (77. min) Alaveseko jokalariari, baita Timor (78. min) eta Sielva (92. min) Huescako futbolariei.
Zure interesekoa izan daiteke
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.
Alavesek F Moeve Ligara igotzea lor lezake, igande honetan, Mendizorrotzan, Cacereñoren aurka
Andrea Estebanen taldeak aurkaria garaitzen badu, eta larunbatean, Bartzelonak Valentziaren aurka irabazi edo berdintzen badu, matematikoki Moeve F Ligara igoko litzateke. Horrela, Alavesen zaleek igoera Mendizorrotzan ospatu ahalko lukete.
Nahuel Tenaglia Alavesekin Lehen Mailan 100 partidetara ailegatu da Celtaren aurkako garaipen historikoan
Tenaglia 2021-2022 denboraldian ailegatu zen Alavesera, eta, orain arte, 146 neurketa jokatu ditu Gasteizko taldearekin. Atzelariak igande honetan lortu zuen erregistro honetara ailegatzea, Quique Sanchez Floresen taldeak Celtaren aurka jokatutako norgehiagoka handian (3-4).
Toni Martinez: “Zalantzarik gabe, gogoratzeko moduko partida izango da"
Alavesek garaipen historikoa lortu du Celtaren aurka Balaidosen, 3-0 galtzen joan eta gero, markagailua iraulita. Toni Martinez erabakigarria izan da, bi gol sartu ditu eta.
Alavesek handia egin du Balaidosen (3-4)
3-0 galtzen joan ostean, Quique Sanchez Floresen taldeak markagailua irauli, eta 3 puntu garrantzitsu bereganatu ditu jaitsiera postuetatik aldentzeko.
Quique Sánchez Flores: "Imajinatzen dugun partida jokatu behar dugu"
Celtaren aurkako partidaren atarian emandako prentsaurrekoan, Gloriosoko entrenatzaileak esan du ilusioz gainezka dagoela taldearekin, eta orain arte bezala lan eginez gero helburua lortzen joango dela. "Garrantzitsua da imajinatzen dugun partida jokatzea" adierazi du Sanchez Floresek.
Jonny Otto: “Ahalik eta lan gehien egiteko prest zelairatuko gara, atea hutsean uzteko"
Jonny Otto Alaveseko jokalaria Galiziara itzuliko da asteburu honetan, Celtaren aurka jokatzeko. Prentsaurrekoan adierazi du nola sentitzen den partidaren aurrean, eta taldeak nola ekingo dion denboraldiaren azken zatiari.
Vila-realek garaipenik gabe utzi du Alaves luzapenean (1-1)
Bisitari batek bere atean sartutako gol batek aurretik jarri ditu babazorroak, baina Pepek etxekoen festa zapuztu du luzapenean.
Elene Errasti Alaveseko jokalaria: "Espero dugu iazko bukaera hobetzea eta helburua betetzea"
Sei jardunaldiren faltan, Alaves da emakumezkoen bigarren mailako liderra. Horrela amaituz gero, elitera igotzea lortuko dute. Zazpi puntuko abantaila dute bigarren sailkatuarekiko, baina nahiago dute zuhur jokatu, iaz igoera gertu izan zutelako eta ihes egin zielako.
Quique Sanchez Flores: “Alavesek etxean lortu ditu puntu gehienak, jarraitzaileen animoekin. Horri eutsi behar diogu”
Alavesek bi puntura du jeitsiera, hortaz, oso garrantzitsua da arabarrentzat bihar garaipena lortzea. Gainera Quique Sanchez Flores estreinakoz arituko da etxean, zaleen aurrean.