Alaves garaipenaren bidera bueltatu da Lugon 1-2 irabazita
Alaves garaipenaren bidera bueltatu da larunbat honetan Lugori 1-2 irabazita. Aurreko bi partidak berdindu egin zituen. Arabako taldeak txarto ekin dio lehiari eta Christian Ramosek Lugo aurreratu du. Bigarren zatian, aldiz, Taichi Hararen eta Nahuel Tenagliaren golei esker partidari buelta ematea lortu du Alavesek 4 minututan.
Norgehiagokaren hasieran etxekoak izan dira nagusi. Galiziarrek erritmo altua sartu diote partidari hastapenetik eta hiru abagune argi izan dituzte lehenengo 10 minuteutan aurretik jartzeko. 16. minutuan, aldiz, Christian Ramosek ez du barkatu; Cuellarren erdiraketa baliatu, eta buruz errematatu du Lugo markagailuan aurretik jartzeko (1-0).
Golaren ostean Alavesek partidaren kontrola hartu arte. Luis García Plazak zuzentzen duen taldeak aukera garbiak sortu ditu, baina eraginkortasun falta izan du eta norgehiagoka 1 eta 0 iritsi da atsedenaldira.
Aldageletatik bueltan, babazorroen nagusitasunak jarraitu du eta aukera garbiak izan dituzte arabarrek partida orekatzeko. Guridik eta Tenagliak zutoinarekin topo egin dute. Azkenean, saria 65. minutuan iritsi da: Taichi Hara zelairatu berriak partida berdindu du area barnetik egindako jaurtiketaren ostean (1-1).
Gasteizko taldea ez da konformatu eta bere momentu ona baliatuta Nahuel Tenagliak bigarrena sartu du 69. minutuan; bigarren zutoinean talde galiziarreko defentsa batek desbideratutako erdiraketa errematatuta (1-2).
Azken minutuetan Mendizorrotzako taldeak ez du gehiegi sufritu, baina partidako azken jokaldian Sivera atezainak Alaves salbatu behar izan du. Luis Riojak txartel gorria ikusi du partida amaieran burukada baten bidez aurkaria lurerra botatzeagatik. Hiru puntu hauekin, Alaves sailkapeneko lehengo postuetan dago; 11 puntu bildu baititu 15 posibleetatik.
Fitxa teknikoa
1 - Lugo: Whalley; Loureiro (Calavera, 80. min), Pirri, Neyder Lozano, Zé Ricardo; Cuéllar, Xavi Torres (Juanpe Jiménez, 68. min), Clavería (El Hacen. 55.min), Señé (Idrissa, 80.min); Barreiro (Sebas Moyano, 55.min) y Chris Ramos.
2 - Alaves: Sivera; Tenaglia, Abqar, Sedlar, Duarte; Salva Sevilla (Toni Moya, 80.min), Benavidez, Guridi (Balboa, 92.min); Alkain (Rioja, 60.min), Miguel de la Fuente (Taichi, 60.min) y Rebbach (Rober González, 60.min).
Golak: 1-0, 16.min: Chris Ramos. 1-1, 65.min: Taichi. 1-2, 68.min: Tenaglia.
Epailea: Galech Apezteguía. Txartel gorria Luis Riojari (Alaves) eta (El Haceni). Txartel horiak: Bruno Pirri (25. min) Lugo; eta Sedlar (48.min), Sivera (72.min), Salva Sevilla (73.min), Guridi (73.min), Rober (85.min) y Duarte (91.min), Alaves.
Zure interesekoa izan daiteke
Raul Fernandez atezainak Alaves utziko du
Bilbotarra, 38 urtekoa bera, 2025-2026 denboraldian aritu da Gasteizko klubean; bertan, Antonio Siveraren ordezkoa izan da.
Protesonik 2028ra arte berritu du kontratua Alavesekin
Uruguaiko jokalariak lau denboraldi daramatza Gasteizen, eta 105 partida ofizial jokatu ditu.
Jon Guridik Alaves utzi du, Sevillan jokatzeko
Erdilari gipuzkoarrak lau denboraldi egin ditu Arabako taldean, 148 partida ofizial jokatuta.
Alavesek Andrea Estebanen kontratua 2027ra arte luzatu duela iragarri du
Talde gasteiztarrak eta entrenatzaileak beste urtebetez luzatu dute euren arteko lotura, eta, beraz, laugarren denboraldiari ekingo dio Moeve F Ligara igoera lortu eta gero.
Alavesek Mendizorrotzan jokatuko du etxeko talde gisa Moeve Ligan
Gasteizko taldea goreneko mailara igo da, eta, hortaz, Ibaia utzi eta Mendizorrotzan jokatuko du; neurketa batzuetan izan da bertan.
Asun Gorospe zale babazorro ospetsua zendu da, 88 urte zituela
Txikitatik, ia futbol-zelai guztietan babestu du bere taldea, osasunak horretarako aukera eman dion arte. Jarraitzaile arabarrak harreman estua izan zuen talde babazorroko jokalari askorekin.
Sergio Fernandez: “Gure asmoa da ez galtzea hazteko aukera ematen digun aktiborik”
Alaveseko kirol zuzendariak, asteartean, agerraldia egin du, komunikabideen aurrean, amaitu berri den denboraldiaren balantzea egitea helburu; Sergio Fernandezek, 2029ra arte berrituta, talde babazorroaren hainbat jokalariren egoera izan du hizpide.
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Sanchez Flores: “Helburua beteta, beste helburu txiki batzuk geratzen zaizkigu"
Deportivo Alavesek lasai ekingo dio azken egunari. Babazorroek Oviedoren aurka ziurtatu zuten Lehen Mailan jarraituko dutela. Dena den, Quique Sanchez Floresek dio taldeak badituela helburuak Rayoren aurkako neurketan ere, bestelakoak badira ere.
Jon Pachecori ebakuntza egin diote eskuineko orkatilean
Gipuzkoako Poliklinikan egin diote ebakuntza jokalari baztandarrari.