Xabi Alonsoren Bayer Leverkusen eta Jose Luis Mendilibarren Olympiakos, Europako finaletan
Atalanta BCk 3-0 irabazi dio ostegun honetan Olympique Marseillari eta Bayer Leverkusenen aurka jokatuko du Europa Ligako titulua lortzeko. Izan ere, Bayer Leverkusenek AS Romaren aurka lortutako berdinketak (2-2) finalerako txartela eman dio. Bien bitartean, Jose Luis Mendilibar entrenatzaile bizkaitarrak Konferentzia Ligako finala eskuratu du Olympiakos taldearekin, Aston Villari 2-0 irabazita.
Bayer Leverkusenek enegarren miraria egin du Erromaren aurkako dueluaren amaieran. Izan ere, Xabi Alonsoren jokalariek 49ra igo dute galdu gabeko partiden bolada, Europako futbolaren erregistro historiko berria.
Nahiz eta erromatarrak 0-2 aurretik jarri diren Leandro Paredesek sartutako bi penaltiekin, bata atsedenaldia baino lehen eta bestea aldageletatik itzuli eta gutxira, 'Laterkusen' en legenda beste bi golekin handitu da 80. minututik aurrera. Oraingoan, 1-2koa Gianluca Mancinik bere atean sartu du, korner baten irteeran egindako errebotean.
Alemaniako taldearen behin betiko berdinketa Josip Stanisicek egin du (2-2). Horrela, Xabi Alonsoren taldeak, maiatzaren 22an, final handia jokatuko du Dublin Arenan.
Bien bitartan, euskal entrenatzaileen arteko hitzorduan, Jose Luis Mendilibarrek Unai Emeryk baino irribarre gehiago egin du. Ayoub El Kaabiren biko batek, joaneko partidan Birminghamen 2-4 garaipena lortzeko hiru gol egin zituenak, Konferentzia finalerako txartela lortu baitu. Horrela, Olympiakosek Fiorentina izango du aurkari, maiatzaren 29an, Atenasko AEKren zelaian.
Jose Luis Mendilibar entrenatzaile bizkaitarra bere bigarren titulu kontinentala jarraian lortzen saiatuko da, joan den urtean Sevillarekin Europa Ligako txapeldun izan ostean.
Zure interesekoa izan daiteke
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.