Amorebietak aurrera egin du Kopan, Levante menderatuta; Tudelano eta Egues, Kopatik kanpo
Amorebieta 2023-24 denboraldiko Errege Kopako final hamaseirenetarako sailkatu da asteazken gauean, eta Tudelano eta Egues, aldiz, txapelketatik kanpo gelditu dira. Hain zuzen ere, Amorebietak Levante menderatu du bigarren kanporaketan, 0-1, Erasoren golari esker; Tudelanok 1-2 galdu du, luzapenean, Las Palmasen kontra, eta Eguesek 0-3ko emaitzarekin amaitu du Mallorcaren aurka jokatutako neurketa.
Hala, Amorebietak Levante kanporatu du Ciutat de Valencia futbol zelaian, 0-1 irabazita; Javier Erasok sartu du gola, 70. minutuan. Etxeko taldea bizi zelairatu da, eta, aurreneko minutuetan, arriskua sortu du Magunagoitiaren atearen aurrean. Bizkaiko taldearen atezainak, baina, partida bikaina egin du, eta ez du golik jaso; apurka-apurka, Haritz Mujikaren gizonek jokoa berdindu dute, eta gero eta hobeto aritu dira berdegunean.
Eraso, bigarren zatian, azkar ibili da area barruan 0-1ekoa jartzeko. Amorebieta, horrenbestez, final hamaseirenetan dago, eta ikusmin handiz jarraituko du klubak datorren astearteko zozketa.
Ciudad de Tudela futbol zelaian norgehiagoka bikaina jokatu arren, Tudelano 124. minutuan gelditu da Kopatik at, 1-2 galdu baitu Las Palmasen aurka. Munirrek egin du gol erabakigarria, luzapena amaitzear zela; bazirudien penaltietan ebatziko zela zein taldek egin behar zuen aurrera, baina, azkenean, ez da horrelakorik gertatu.
90 minutuetan, bana egin dute bi taldeek, eta lehen zatian sartu dituzte bi golak. Sory Kabak aurretik jarri du Kanarietako taldea 38. minutuan, Francisco Javier Garcia Pimientaren gizonek erasoko jokaldi polita burututa; handik gutxira, 42. minutuan, Joel Rodriguezek sartu du berdinketa jarri duen gola, penaltiz.
Arestian esan bezala, Tudelanok partida bikaina egin du, eta maila oso ona eman du Las Palmasen aurka, nahiz eta gaur bisitari gisa aritu den taldea ederto ari den EA Sports Ligan.
Eguesibarren, Mallorcak Egues kanporatu du, 0-3 gailenduta. Dani Rodriguezek sartu du lehenengo gola, aurreneko zatian, eta Javi Llabresek beste bi egin ditu bigarrenean. Etxekoak gogor ahalegindu dira, baina ezer gutxi egiteko aukera izan dute, aurkariak argi erakutsi baitu Lehen Mailako taldea dela.
Javier Aguirreren taldearen lehen gola 39. minutuan heldu da, eta Llabresek 56. eta 61. minutuetan egin ditu 0-2koa eta 0-3koa. Emaitza gorabehera, Txiki Akaz Egueseko entrenatzaileak adierazi du Nafarroako taldeak ibilbide ona egin duela Kopan; izan ere, RFEFko Lehen Mailako aurkari bat kanporatu du, Teruel, "partida bikaina eginda", eta maila goreneko talde baten aurka jokatu du, Mallorcaren kontra, hain zuzen ere. "Egun historikoa izan da klubarentzat, jokalarientzat eta niretzat", nabarmendu du.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).