Bayernek eta Juventusek final-zortzirenetarako txartelak lortu dituzte; Barçak garaipena erdietsi du Kieven
Astearte honetan Txapeldunen Ligako multzoen faseko laugarren jardunaldiko zortzi partida jokatu dira; E, F, G eta H multzoetan lehian ari diren taldeen txanda izan da.
Bayern Munichek final-zortzirenetarako txartela lortu du Benfica mendean hartuta (5-2). Alemaniako taldeak orain arte jokatu dituen lau partidak irabazi ditu, eta 12 punturekin da E multzoko lider. Bartzelonak irabazi egin du Dinamo Kieven aurka (0-1), eta bigarren postuan dago, 6 punturekin. Benfica dago hirugarren, 4 punturekin, eta Dinamo Kiev da azkena, puntu bakarrarekin.
Juventus ere Txapeldunen Ligako hurrengo fasean egongo da Zeniten aurka garaipena (4-2) erdietsi ostean. Italiako taldeak 12 puntu ditu, multzoen fasean jokatu dituen neurketa guztiak irabazita. Chelsea nagusi izan da Malmören kontra (0-1), eta Ingalaterrako taldea H multzoko bigarren postuan da, 9 punturekin. Zenitek 3 puntu ditu, eta Malmök ez du punturik eskuratu oraindik.
G multzoan, ezustekoak izan dira nagusi. Salzburg liderrak (7 puntu) galdu egin du Wolfsburgen aurka (2-1), eta Alemaniako taldea hirugarren dago, 5 punturekin. Lillek ere 5 puntu ditu, Sevillaren aurka garaipena (1-2) lortu ostean, baina bigarren postuan dago. Bestalde, Julen Lopeteguik zuzentzen duen Sevilla da azkena, 2 punturekin.
Manchester Unitedek bina berdindu du Atalantarekin (2-2), eta, ondorioz, Ingalaterrako taldea da F multzoaren buruan, 7 punturekin. Unai Emeryk zuzentzen duen Vila-real bigarren da, 7 punturekin, Young Boysi 2-0 irabazi baitio Zeramikaren Zelaian. Atalanta hirugarren dago, 5 punturekin, eta Young Boys laugarren, 3 punturekin.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).