Bayern Munichek Javi Martinez aurkeztu du
Bayern Muncih taldeko jokalari berriak, eta Budesligako historiako fitxaketa garestienak, Alemaniako taldeak ordaindutako 40 milioi euroak presioa baino motibazioa direla azaldu du.
Javi Martinezek oso pozik dagoela onartu du, eta fitxaketa gauzatzeko arazoak alde batera utzita, "jokatzeko eta entrenatzeko" gogotsu dagoela azaldu du.
"Egoera Athleticek Osasunatik fitxatu ninduenekoaren antzeko da. Athleticek 6 milioi euro ordaindu zituen, eta nik soilik 17 urte nituen. Ez da presioa izan, motibazioa baizik", azaldu du Aiegiko erdilariak. Prentsaurrekoan, Javi Martinez Jupp Heynckes entrenatzailearekin eta Mathias Sammer kirol zuzendariarekin batera izan da.
Nafarroako jokalariak "entrenatzaileak nahi duen postuan" jokatuko duela azaldu du. Hala ere, ia bere ibilbide osoan erdilari postuan aritu dela argi utzi du, zentral gisa soilik iragan denboraldia jokatu baitzuen.
Sammerrek, Javi Martinezek ez duela "fitxaketaren prezioaren errua" adierazi du. Kirol zuzendariak Bayern Munichek jokalaria nola edo hala nahi zuela onartu du.
"Jokalari hau nahi genuen, eta prezioa hori izan da. Javi Martinezek ezin izan du ezer egin. Gainera, bere soldata negoziatzeko orduan, Bayern Munichen jokatu nahi zuela argi gelditu zitzaigun", azaldu du Mathias Sammerrek.
Heynckesek, Aiegiko jokalariaren atzetik urteak daramatzala onartu du. Bayer Leverkusen taldeko entrenatzaile lanetan aritu zenean ere, Javi Martinezek bere interesa piztu zuela azaldu du, eta fitxaketarekin oso pozik dagoela onartu du.
Zure interesekoa izan daiteke
Reala-Athletic Errege Kopako finalerdietako itzuliko partida, martxoaren 4an, EITBn
20:30etik aurrera, asteazkenean, martxoaren 4an, ETB1ek eta kirolakeitb.eus-ek Realak eta Athleticek Anoetan jokatuko duten neurketa erabakigarriaren gaineko guztia kontatuko dizute. Reala eta Athletic, nor baino nor gehiago, eta final handirako txartela jokoan.
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.